एजेन्सी । फ्रान्सेली महारथी पेरिस सेन्ट जर्मन (पिएसजी) युरोपेली क्लब फुटबलको शीर्ष प्रतियोगिता युईएफए च्याम्पियन्स लिगको क्वाटरफाइनलमा प्रवेश गरेको छ ।
मंगलवार राति भएको अन्तिम १६ अन्तर्गत दोस्रो लेग खेलमा स्पेनिस क्लब रियल सोसिडाडमाथि २–१ को जित निकाल्दै समग्रमा ४–१ को जितका साथ युरोपेली प्रतिष्ठित प्रतियोगिताको क्वाटरफाइनलमा प्रवेश गरेको हो ।
मंगलवार राति स्पेनिस क्लबको घरेलु मैदान रियले एरिना रंगशालामा भएको खेलमा भ्रमणकारी टोलीको जितमा केलियन एम्बाप्पेले दुबै गोल गरे ।
यता, घरेलु टोलीका लागि भने माइकल मेरिनोले एक गोल फर्काए ।
खेल सुरु भएको १५ औं मिनेटमा ओसमाने डेम्बेलेको असिस्टमा एम्बाप्पेले गोल गर्दै पिएसजीलाई सुरुवाती अग्रता दिलाए ।
त्यसपछि दोस्रो हाफको ५६ औं मिनेटमा लि काङ इनको पासमा एम्बाप्पेले व्यक्तिगत रुपमा दोस्रो गोल थप्दा पिएसजी २–० ले अघि बढ्यो ।
यता, खेलको अन्त्यतिर घरेलु टोलीका मेरिनोले गोल फर्काउँदा खेल २–१ को अवस्थामा सकियो ।
र, समग्रमा फ्रान्सेली महारथी क्लबले ४–१ ले खेल जित्यो ।
त्यसअघि अन्तिम १६ को पहिलो लेग खेलमा पिएसजी २–० ले विजयी भएको थियो ।
लेखक
