एजेन्सी । फ्रान्सेली महारथी पेरिस सेन्ट जर्मन (पिएसजी) फ्रान्सेली प्रतिष्ठित प्रतियोगिता कोप दि फ्रान्सको फाइनलमा प्रवेश गरेको छ ।
बुधवार राति भएको सेमिफाइनल खेलमा लिग वान प्रतिद्वन्दी रेन्नेसमाथि १–० को जत निकाल्दै पिएसजी फ्रान्सेली लोकप्रिय प्रतियोगिताको फाइनलमा प्रवेश गरेको हो ।
पिएसजीको घरेलु मैदान पेरिस देस प्रिन्सेस रंगशालामा भएको खेलमा घरेलु टोलीलाई जिताउन केलियन एम्बाप्पेले एकमात्र निर्णायक गोल गरे ।
एम्बाप्पेले खेलको ४० औं मिनेटमा निर्णायक गोल गर्दै पिएसजीलाई १–० ले जिताए ।
एम्बाप्लेको उक्त गोलका लागि फावियन रुइजले असिस्ट प्रदान गरे ।
त्यसअघि ३७ औं मिनेटमा एम्बाप्पे पेनाल्टीमा गोल गर्न चुकेका थिए ।
अब पिएसजीले उपाधिका लागि लियोनसंग प्रतिस्पर्धा गर्ने पक्का भएको छ ।
लेखक
