एजेन्सी । फ्रेन्च लिग वानअन्तर्गत पेरिस सेन्ट जर्मेन (पिएसजी) ले तौलौसेमाथि संघर्षपूर्ण जित निकालेको छ ।
सनिवार राति भएको खेलमा पिएसजीले तौलौसेमाथि २–१ को सघर्षपूर्ण जित निकालेको हो ।
पेरिस दि प्रिन्सेस रंगशालामा भएको खेलमा भ्रमणकारी टोलीले २० औं मिनेटमा गोल गर्दै १–० को अग्रता लिएको थियो ।
त्यसपछि ३८ औं मिनेटमा अर्चिफ हाकिमीको गोलमार्फत पिएसजीले खेल बराबरीमा ल्याएको थियो ।
पहिलो हाफ १–१ को बराबरीमा सकिएको खेलमा ५८ औं मिनेटमा लियोनल मेसीले गोल गर्दै घरेलु टोलीलाई खेलमा २–१ ले अगाडी बढाएको थियो । मेसीलाई हाकिमीले गोलका लागि अवसर सिर्जना गरिदिएका थिए ।
त्यसपछि खेलमा थप गोल निस्किएन र खेल पिएसजीले जित्यो ।
लिग वानमा पिएसजीले २२ खेल सक्दा ५४ अंक जोडेको छ । फ्रान्सेली महारथी क्लब लिगको शीर्ष स्थानमा छ ।
यता, पराजित तौलौसेको २२ खेलमा २९ अंक छ । उ तालिकाको १२ औं स्थानमा छ ।
गयराति नै भएको अन्य खेलमा लिलेले रेनेसमाथि ३–१ को जित हात पार्दा ओलम्पियास लियोननेसले पनि ट्रोयसमाथि ३–१ को जित निकाल्यो ।
लेखक
