भक्तपुर । आईसीसी विश्वकप लिग २ मा पपुवा न्युगिनी (पिएनजी) विरुद्वको खेलमा नेपालले ४ विकेटको जित हात पारेको छ ।
सोमवार भएको खेलमा २०४ रनको विजयी लक्ष्य पछ्याएको नेपालले ४५.२ ओभरमा ६ विकेटको क्षतिमा २०७ रन बनाउँदै लक्ष्य पूरा गरेको हो ।
युएईस्थित दुबई अन्तराष्ट्रिय रंगशालामा भएको खेलमा नेपाललाई जिताउन कुशल भुर्तेलले ६९ बलको सामना गर्दै ५ चौका मद्दतमा सर्वाधिक ५६ रनको अर्धशतकिय पारी खेले ।
त्यस्तै, विकेटकिपर आसिफ शेखले ३९ बल खेल्दै ५ चौका प्रहार गर्दै ४४ रन जोड्दा आरिफ शेखले६२ बलमा १ चौका मद्दतमा ३३ रन बनाए ।
दिपेन्द्र सिंह ऐरी ४३ बलमा १ छक्का प्रहार गर्दै २२ रनमा आउट हुँदा कप्तान रोहित पौडेल २१ बल खेल्दै १ चौका मद्दतमा २० रनमा पेविलियन फर्किए ।
ज्ञानेन्द्र मल्ल ४ रनमा आउट हुँदा कुशल मल्ल १२ तथा सोमपाल कामी ५ रनमा नटआउट रहे । नेपालले अतिरिक्त रुपमा ११ रन जोडेको थियो ।
पिएनजीका लागि असद भालाले ३ विकेट लिँदा नोर्मन भानुवा र सेसे बाउले समान १–१ विकेट लिए ।
त्यसअघि टस हारेर ब्याटिङमा आएको पिएनजीले ५० ओभरमा ९ विकेट गुमाउँदै २०३ रन बनायो ।
पिएनजीका लागि असद भालाले ५३ बल खेल्दै ४ चौका मद्दतमा ३६ रन जोड्दा सेसे बाउले ५५ बलमा ३ चौका प्रहार गर्दै ३१ रन जोडे ।
कप्तान तथा विकेटकिपर केप्लिन दोरिगा ५९ बलको सामना गर्दा ४ चौका प्रहार गर्दै २९ रन बनाउँदा चाद सोपेर ५३ बलमा २ चौका मद्दतमा ३६ रन बनाउँै अविजित रहे ।
त्यस्तै, नोर्मन भानुवाले १५ बलमा २ चौका र २ छक्का प्रहार गर्दै २५ रन जोड्दै पेविलियन फर्कदा हिरि हिरि १७ बलमा १० रन बनाउँदै आउट भए ।
पिएनजीका अन्य ब्याट्सम्यानले दोहोरो अंकमा रन जोड्न सकेनन् । रिले हेरुके ७, चार्स एमिनी ६, टोनी उरा २ तथा एैले नाउ १ रनमा आउट हुँदा सेमो कामिया २ रनमा अविजित रहे । पिएनजीले १८ रन अतिरिक्त रुपमा पाएको थियो ।
नेपालका लागि गुल्शन झाले सर्वाधिक ३ विकेट लिँदा कुशल मल्लले २ विकेट लिए । त्यस्तै, सोमपाल कामी, करन केसी र प्रतिश जिसीले समान १–१ विकेट लिए ।
लेखक
