भक्तपुर । काठमाडौंमा जारी आईसीसी विश्वकप लिग २ त्रिकोणात्मक सिरिजअन्तर्गत युनाइटेड अरब इमिरेट्स (युएई) ले पपुवा न्युगिनी (पिएनजी) माथि ६ विकेटको जित हात पारेको छ ।
बुधवार भएको खेलमा पिएनजीले दिएको २३५ रनको विजयी लक्ष्य पछ्याएको युएईले ३८.४ ओभरमा ४ विकेट गुमाउँदै २३६ रन बनाउँदै जित हात पारेको हो ।
क्रितिपुरस्थित टियु क्रिकेट मैदानमा भएको खेलमा युएईको जितमा कप्तान मुहम्मद वासिमले ७६ बलमा ६ चौका र १२ छक्का प्रहार गर्दै सर्वाधिक ११९ रनको शतकिय इनिङ्स खेले ।
त्यस्तै, भ्रित्या अरभिन्दले ५६ बल खेल्दै ५ चौका मद्दतमा ३३ रन जोड्दा सिपी रिजवान ४४ बलमा ४ चौका प्रहार गर्दै २९ रनमा अविजित रहे ।
यता, आयान अफजल खान ३८ बलमा ४ चौका र १ छक्का मद्दतमा २७ रन जोड्दै पेविलियन फर्किदा आसिफ खान ११ ३ बलको सामना गर्दै १ चौका र १ छक्का प्रहार गर्दै ११ रनमा अविजित रहे ।
आर्यान लाक्रा ४ रनमा आउट भए । युएईले १३ रन अतिरिक्त रुपमा पायो ।
यता, पिएनजीका लागि रिले हेकुरेले ७ ओभर बलिङ गर्ने क्रममा १ मेदन राखेर २४ रन खर्चिदै २ विकेट लिए ।
त्यस्तै, काबुआ मोरियाले ७ ओभर बलिङ गर्दै ३२ रन खर्चिएर १ मेदन राख्दै १ विकेट लिए । जोन कारिकोले ८ ओभर बलिङ गर्दै ५१ रन दिएर १ विकेट लिए ।
त्यसअघि टस जितेर पहिला ब्याटिङ रोजेको पिएनजीले ७ विकेटको क्षतिमा २३४ रन बनाएको थियो ।
पिएनजीका लागि कप्तान अस्सद भालाले ९२ बलमा ६ चौका र १ छक्का प्रहार गर्दै सर्वाधिक ६५ रनको अर्धशतकिय पारी खेले ।
नोर्मन भानुआले अविजित रहँदै ३१ बलमा १ चौका र ५ छक्का प्रहार गर्दै ४९ रन जोडे ।
त्यस्तै, रिले हेकुरेले २२ बलमा ३ चौका र २ छक्का प्रहार गर्दै ३३ रन जोड्दा विकेटकिपर केप्लिन दोरिगाले ६० बल खेल्दै ३ चौका मद्दतमा २४ रन बनाउँदै पेविलियन फर्किए ।
यता, चार्लिस एमिनीले ४४ बलमा ३ चौका प्रहार गर्दै २२ रन बनाउँदा गौदी तोकाले २५ बलमा १ चौका प्रहार गर्दै १५ रन जोड्दै आउट भए ।
सेसे बाउ ९, हिरी हिरी ४ रन बनाउँदै आउट हुँदा चाद सोपेर शुन्य रनमा अविजित रहे । पिएनजीले अतिरिक्त रुपमा १३ रन जोडेको थियो ।
युएईका हजरत बिलालले १० ओभर बलिङ गर्दै ४७ रन खर्चिएर सर्वाधिक ४ विकेट लिए ।
त्यस्तै, रोहन मुस्ताफाले १० ओभर बलिङ गर्नेक्रममा १ मेदन राख्दै २० रन खर्चिएर १ विकेट लिँदा जावेर फारिदले ६ ओभर बलिङ गर्दै ४५ रन खर्चिएर १ विकेट लिए ।
सिरिज अन्तर्गत भोली (विहिवार) नेपालले युएईसंग अन्तिम खेल खेल्दैछ । भोलीको खेल जित्न सके नेपालले ओडिआई विश्वकपको अन्तिम छनोटमा स्थान पक्का गर्नेछ ।
लेखक
