भक्तपुर । काठमाडौंमा आज (विहिवार) देखि सुरु भएको आईसीसी विश्वकप लिग २ त्रिकोणात्मक सिरिजअन्तर्गत नेपालले पपुवा न्युगिनी (पिएनजी) माथि सहज जित हात पार्दै सिरिजको सुखद सुरुवात गरेको छ ।
क्रितिपुरस्थित टियू क्रिकेट मैदानमा भएको खेलमा नेपालले पपुवा न्युगिनी (पिएनजी) माथि ५२ रनको जित हात पारेको हो ।
घरेलु टोली नेपालले पिएनजीलाई जितका लागि २९८ रनको लक्ष्य प्रस्तुत गरेको थियो । पिएनजी ४७.१ ओभरमा अलआउट हुँदै २४५ रनमा समेतिएसंगै नेपालले सहज जित हात पारेको हो ।
पिएनजीका लागि नोर्मन भानुआले ५५ बलमा ३ चौका र ४ छक्का प्रहार गर्दै सर्वाधिक ६० रनको अर्धशतकिय इनिङ्स खेले ।
टोनी उराले ४४ बलमा ९ चौका प्रहार गर्दै ५० रन जोड्दा कप्तान असाद भालाले ५३ बल खेल्दै २ चौका र २ छक्का प्रहार गर्दै ४२ रन जोडे ।
त्यस्तै, विकेटकिपर केप्लिन दोरिगाले ३४ बलमा ३ चौका र १ छक्का मद्दतमा २६ रन बनाउँदै पेविलियन फर्किदा रिले हेकुरेले १७ बलको सामना गर्दै १ चौका र १ छक्का प्रहार गर्दै २० रन जोड्दै आउट भए ।
यता, चार्लिस एमिनीले ४३ बलमा १ चौका मद्दतमा १४ रन बनाउँदै आउट हुँदा अन्य ब्याट्सम्यानले दोहोरो अंकमा रन जोड्न सकेनन् ।
हिरी हिरीले ८, सेसे बाउले ३, एलेइ नाओ २ रनमा आउट भए । सेमो कामिया ५ रनमा नटआउट रहे । पिएनजीले १५ रन अतिरिक्त रुपमा जोड्यो ।
नेपालका लागि सन्दिप लामिछानेले १० ओभर बलिङ गर्दै १ मेदन राख्दै ३७ रन दिएर सर्वाधिक ४ विकेट लिए ।
त्यस्तै, दिपेन्द्र सिंह ऐरीले ९.१ ओभर बलिङ गर्दै ३७ रन खर्चिएर २ विकेट लिँदा कुशल मल्लले १० ओभरमा ६० रन खर्चिएर १ विकेट लिए ।
त्यसअघि टस हारेर पहिला ब्याटिङमा उत्रिएको नेपालले ४९.१ ओभरमा अलआउट हुँदै २९७ रन बनाएको थियो ।
नेपालका लागि आसिफ शेखले ११० बल खेल्दै १२ चौका र २ छक्का प्रहार गर्दै सर्वाधिक ११० रनको शतकिय पारी खेले ।
त्यस्तै, कुशल फुर्तेलले ५६ बलमा ६ चौका प्रहार गर्दै ४५ रन जोड्दा भिम सार्कीले ३८ बलको सामना गर्दा ४ चौका प्रहार गर्दै ४४ रन जोडे ।
कप्तान रोहित पौडेलले ३९ बलमा २ चौका र १ छक्का मद्दतमा ३० रन बनाएर पेविलियन फर्किदा आरिफ शेखले १३ बल खेल्दै १ चौका प्रहार गर्दै १५ रन जोड्दै आउट भए ।
ज्ञानेन्द्र मल्ल ११ करन केसी ८,सन्दिप लामिछाने ७, दिपेन्द्र सिंह ऐरी ७, कुशल मल्ल २ रनमा आउट हुँदा सोमपाल कामी ४ रनमा अविजित रहे । नेपालले अतिरिक्त रुपमा १४ रन जोडेको थियो ।
पिएनजीका लागि सेमो कामियाले ९.१ ओभर बलिङ गर्दै ३८ रन दिएर सर्वाधिक ५ विकेट लिए ।
त्यस्तै, रिले हेकुरेले १० ओभर बलिङ गर्ने क्रममा ५० रन खर्चिएर ३ विकेट लिँदा एलेइ नाओले १० ओभरमा ७५ रन दिएर १ विकेट लिए ।
त्रिकोणात्मक सिरिजअन्तर्गत भोली (शुक्रवार) युएई र पिएनजी खेल्नेछ ।
लेखक
