भक्तपुर । काठमाडौँ महानगरपालिकाले पेरिस पारा ओलम्पिकमा ऐतिहासिक कांस्य पदक जित्न सफल पारा तेक्वान्दो खेलाडी पलेशा गोवर्धनलाई नगद पुरस्कारसहित सम्मान गरेको छ ।
बुधवार काठमाडौं महानगरपालिकाले फ्रान्सको राजधानी पेरिसमा जारी पेरिस पारा ओलम्पिकमा नेपालका लागि ऐतिहासिक पदक दिलाउने पारा तेक्वान्दो खेलाडी पलेशा गोवर्धनलाई ५ लाख रुपैयाँ नगदसहित सम्मान गरेको हो ।
काठमाडौं महानगरपालिका कार्यालय काठमाडौँ प्लाजामा भएको कार्यक्रममा महानगर प्रमुख बालेन्द्र शाह (बालेन) ले पलेशालाई पुरस्कार हस्तान्तरण गर्नुभयो ।
त्यसअघि आजै राष्ट्रिय खेलकुद परिषद् (राखेप) ले पलेशालाई नगर परिक्रमा गराइएको थियो ।
पलेशाले तेक्वान्दो विधाअन्तर्गत महिला ५७ केजी मुनिको प्रतिस्पर्धामा सर्वियाकी खेलाडीलाई पराजित गर्दै नेपाललाई ऐतिहासिक कांस्य पदक जिताएकी थिइन् ।
लेखक
