एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा रोयल च्यालेन्जर्स बेङेगलुरुले पञ्जाब किंग्समाथि जित हािसल गरेको छ ।
विहिवार राति भएको आईपिएल खेलमा रोयल च्यालेन्जर्स बेङेगलुरुले पञ्जाब किंग्समाथि ६० रनको जित हासिल गरेको हो ।
महत्ववूर्ण जितसंगै बेङ्गलुरुले १२ खेलबाट १० अंक जोड्दै लिग तालिकाको सातौं स्थानमा कायम रहेको छ ।
पराजित पञ्जाबको भने समान १२ खेलमा ८ अंक रहेको छ ।
जितसंगै बेङेगलुरुले सुपर चारमा पुग्ने सम्भावना जिवितै राख्दा पञ्जाबको भने समिकरण कमजोर बनेको छ ।
हिमाञ्चल प्रदेश क्रिकेट रंगशालामा भएको खेलमा २४२ रनको विशाल विजयी लक्ष्यका साथ जवाफी ब्याटिङमा उत्रिएको पञ्जाब १७ ओभरमा अलआउट हुन पुग्दा मात्र १८१ रनमा समेतियो ।
पञ्जाबका लागि रिले रुसोले २७ बलमा ९ चौका र ३ छक्का प्रहार गर्दै ६१ रनको अर्धशतकिय पारी खेल्दा शशांक सिंहले १९ बल खेल्दै ४ चौका र २ छक्का प्रहार गर्दै ३७ रन जोडेर रनआउट भए ।
त्यस्तै, विकेटकिपर जोनी बाइस्ट्रोले १६ बल खेल्नेक्रममा ४ चौका र १ छक्का प्रहार गर्दै २७ रन जोडेर पेविलियन फर्किदा कप्तान साम करनले १६ बलमा २ चौका प्रहार गर्दै २२ रन जोडेर आउट भए ।
यता, आशुतोष शर्मा ८, प्रभसिमरन सिंह ६, जितेश शर्मा ५, अर्शदिप सिंह ४ रनमा आउट हुँदा हर्षल पटेल र लैम लिभिङस्टोन शुन्य रनमा पेविलियन फर्किए ।
राहुल चाहर भने ५ रनमा अविजित रहे ।
पञ्जाबले अतिरिक्त रुपमा ६ रन जोड्यो ।
पञ्जाबलाई सस्तैमा अलआउट गर्न बेङ्गलुरुका लागि मोहम्मद सिराजले ३ विकेट लिँदा स्वप्निल सिंह, लौकी फर्गुशन र कर्ण शर्माले समान २–२ विकेट लिए ।
त्यसअघि टस हारेर पहिला ब्याटिङमा उत्रिएको बेङ्गलुरुले निर्धारित २० ओभरको खेलमा ७ विकेट गुमाउँदै २४१ रन जोड्यो ।
बेङ्गलुरुका लागि विराट कोहोलीले ४७ बलमा ७ चौका ६ छक्का प्रहार गर्दै सर्वाधिक ९२ रनको शतक नजिकको पारी खेल्दा रजत पातिदारले २३ बल खेल्नेक्रममा ३ चौका र ६ छक्का प्रहार गर्दै ५५ रनको अर्धशतकिय पारी खेल्दै पेविलियन फर्किए ।
त्यस्तै, क्यामरन ग्रिनले २७ बलमा ५ चौका र १ छक्का प्रहार गर्दै ४६ रन जोडेर आउट हुँदा विकेटकिपर दिनेश कार्तिकले ७ बल खेल्नेक्रममा १ चौका र २ छक्का प्रहार गर्दै १८ रन जोडेर पेविलियन फर्किए ।
यता, विल ज्याक्सले ७ बलमा १ चौका र १ छक्का प्रहार गर्दै १२ रन जोडेर आउट हुँदा कप्तान फाफ दु प्लेसिस ९, माहिपाल लोमरोर शुन्य रनमा पेविलियन फर्किए ।
स्वप्निल सिंह भने १ रनमा अविजित रहे ।
बेङ्गलुरुले अतिरिक्त रुपमा ८ रन जोड्यो ।
पञ्जाबका लागि हर्षल पटेलले ३ विकेट लिँदा भिधवाथ काभेराप्पाले २, साम करन र अर्शदिप सिंहले समान १–१ विकेट लिए ।
लेखक
