भक्तपुर । न्युजिल्याण्डले एकदिवसीय अन्तराष्ट्रिय खेलमा भारतलाई ७ विकेटले पराजित गरेको छ ।
शुक्रवार इडेन पार्कमा भारतले दिएको ३०७ रनको विजयी लक्ष्य न्युजल्याण्डले १७ बल अगावै ३ विकेटको क्षतिमा पुरा गरेको हो ।
न्युजल्याण्डका लागि टम लथमले १०४ बल खेल्दै १९ चौका र ५ छक्का प्रहार गर्दै सर्वाधिक १४५ रन बनाउँदै अविजित रहे । कप्तान केन विलिम्सनले ९८ बलमा ७ चौका र १ छक्का मद्दतमा ९४ रन बनाए ।
त्यस्तै, डिभोन कोनवेले ४२ बलमा ३ चौका मद्दतमा २४ रनको योगदान दिँदा फिन एलिनले २५ बलमा २२ रन जोडे । डर्याल मिचेलले ११ रन बनाए ।
भारतका लागि उम्रान मलिकले २ विकेट लिँदा सार्दुल ठाकुरले १ विकेट लिए ।
त्यसअघि टस जितेको न्युजिल्याण्डले भारतलाई ब्याटिङको लागि निम्ट्याएको थियो । भारतले निर्धारित ५० ओभरमा ७ विकेटको क्षतिमा ३०६ रन बनाएको थियो ।
भारतका लागि श्रेयस लेयरले ७६ बलमा ४ चौका र ४ छक्का मद्दतमा सर्वाधिक ८० रनको योगदान गरेका थिए ।
त्यस्तै, शेखर धवनले ७७ बल खेल्दै १३ चौका प्रहार गर्दै ७२ रन जोड्दा सुभम् गिलले ६५ बलमा १ चौका र ३ छक्का मद्दतमा ५० रनको अर्धशतक बनाएका थिए । वासिन्टन सुन्दर ३७ रनमा नटआउट रहँदा सन्जु स्यामसनले ३६ रन बनाए ।
त्यस्तै, रिसब पन्त १५ रन बनाइ पेविलियन फर्कदा सुर्यकुमार यादबले ४ रन बनाइ आउट बने ।
लेखक
