एजेन्सी । दक्षिण अफ्रिकामा जारी आईसीसी यु–१९ क्रिकेट विश्वकपअन्तर्गत समूह चरणको अन्तिम खेलमा पाकिस्तानले न्युजिल्याण्डमाथि सहज जित निकालेको छ ।
सनिवार भएको समूह ‘डी’ को अन्तिम खेलमा पाकिस्तानले न्युजिल्याण्डमाथि १० विकेटको सहज जित निकालेको हो ।
महत्वपूर्ण जितसंगै पाकिस्तानले समूह चरणमा शतप्रतिशत जित निकाल्दै ६ अंक जोड्दै समूह विजेता बन्यो ।
यता, न्युजिल्याण्डले भने ३ खेल खेल्दा २ मा जित र १ मा हारको नतिजा आत्मसाथ गर्दै ४ अंकका साथ समूहमा उपविजेता बन्यो ।
यो समूहबाट पाकिस्तानसंगै न्युजिल्याण्ड र नेपालले सुपर ६ यात्रा सुनिश्चित गर्यो ।
इस्ट लन्डनस्थित बफालो पार्क क्रिकेट रंगशालामा १४१ रनको सामान्य विजयी लक्ष्यका साथ जवाफी ब्याटिङमा उत्रिएको पाकिस्तानले २५.२ ओभरमा विना कुनै विकेट गुमाई १४४ रन जोड्यो ।
पाकिस्तानको एकपक्षिय जितमा शाहजैब खानले ८६ बलमा १० चौका र ३ छक्का प्रहार गर्दै ८० रनको अर्धशतकिय पारी खेल्दै अविजित रहँदा श्यामल हुसेनले ६६ बल खेल्दै ६ चौका र २ छक्का प्रहार गर्दै ५४ रनको अर्धशतकिय पारी खेल्दै अविजित रहे ।
पाकिस्तानले अतिरिक्त रुपमा १० रन जोड्यो ।
त्यसअघि टस जितेर पहिला ब्याटिङमा उत्रिएको न्युजिल्याण्डले ३८ ओभरमा अलआउट हुँदै १४० रन जोड्यो ।
न्युजिल्याण्डका लागि लाकलान स्टेकपोलले ३७ बलमा ७ चौका र १ छक्का प्रहार गर्दै ४२ रन जोड्दा ओलिभर टेवाटियाले ५५ बल खेल्दै ४ चौका प्रहार गरेर २९ रन जोड्दै पेविलियन फर्किए ।
त्यस्तै, ओपनर ब्याट्सम्यान थोमस जोन्सले २६ बल खेल्नेक्रममा ३ चौका प्रहार गर्दै १४ रन जोड्दै आृट हुँदा कप्तान ओस्कार थोमस ज्याक्सनले २६ बलको सामना गर्दै २ चौका प्रहार गरेर १२ रन जोड्दै पेविलियन फर्किए ।
म्याथ्यु बुचानान रोय ९ रनमा अविजित रहँदा स्नेहिथ रेड्डी डिभिरेड्डी ७, मासन क्लार्क ६, रायन सौर्गास र ज्याक एलान जेम्स कमिङ समान ३–३ रनमा पेविलियन फर्किए ।
यता, न्युजिल्याण्डका दुई खेलाडी रनको खाता नै नखोली पेविलियन फर्किए ।
न्युजिल्याण्डले अतिरिक्त रुपमा १५ रन जोड्यो ।
न्युजिल्याण्डलाई सस्तैमा अलआउट गर्न पाकिस्तानका लागि उबैद शाहले ९ ओभर बलिङ गर्दै १ मेडन राखेर ३० रन खर्चिदै ३ विकेट लिँदा अराफत मिनहासले ५ ओभर बलिङ गर्नेक्रममा २ मेडन राख्दै मात्र ६ रन दिएर ३ विकेट लिए ।
त्यस्तै, नाभेद अहमेद खानले २ विकेट लिँदा अली अस्फन्ड र मोहम्मद जिशानले समान १–१ विकेट लिए ।
लेखक
