एजेन्सी । न्युजिल्याण्डविरुद्वको दोस्रो एकदिवसीय खेलमा भारतले जित हात पारेको छ ।
सनिवार भारतमा भएको ३ एकदिवसीय खेलअन्तर्गत दोस्रो मास्टर कार्ड खेलमा भारतले न्युजिल्याण्डमाथि ८ विकेटको जित हात पारेको हो ।
प्राप्त जितसंगै भारतले एक खेल अगावै न्युजिल्याण्डविरुद्वको एकदिवसीय सिरिज जितेको छ ।
१०९ रनको सामान्य विजयी लक्ष्य पछ्याएको भारतले २०.१ ओभर खेल्दै २ विकेटको क्षतिमा लक्ष्य पूरा गर्यो ।
भारतका लागि कप्तान रोहित शर्माले ५० बल खेल्दै ७ चौका र २ छक्का मद्दतमा सर्वाधिक ५१ रनको अर्धशतकिय पारी खेले ।
त्यस्तै, सुभम गिलले ५३ बलमा ६ चौका प्रहार गर्दै ४० रनमा अविजित रहे । यता, विराट कोहोली ९ रनमा आउट हुँदा इसान किसन ८ रनमा अविजित रहे ।
न्युजिल्याण्डका लागि हेनरी शिप्ले र मिट्चेल सान्टनेरले १–१ विकेट लिए ।
त्यसअघि शहिद विर नारायण सिंह अन्तराष्ट्रिय क्रिकेट रंगशालामा टस हारेर पहिला ब्याटिङमा उत्रिएको भ्रमणकारी टोलीले ३४.३ ओभरमा अलआउट हुँदै १०८ रन बनाएको थियो ।
न्युजिल्याण्डका लागि ग्लेन फिलिप्सले ५२ बलमा ५ चौकाको सहयोगमा सर्वाधिक ३६ रनको योगदान दिए ।
त्यस्तै, मिटेचेल ब्रेसवेलले ३० बलमा ४ चौका मद्दतमा २२ रन बनाउँदा मिट्चेल सान्टनेरले ३९ बलमा ३ चौका प्रहार गर्दै २७ रन जोडे । अन्य ब्याट्सम्यानले दोहोरो अंकमा रन जोड्न सकेनन् ।
भारतका लागि मोहम्मद शामीले सर्वाधिक ३ विकेट लिए । त्यस्तै, हार्दिक पाण्डेया र वासिङ्टन सुन्दरले २–२ विकेट हात पार्दा मोहम्मद सिराज, शार्दुल ठाकुर र कुलदिप यादवले १–१ विकेट लिए ।
लेखक
