एजेन्सी । युईएफए नेसन्स लिगमा पोर्चुगलले स्कटल्याण्डलाई पराजित गरेको छ ।
आईतवार राति भएको खेलमा पोर्चुगलले स्टकल्याण्डलाई २–१ ले पराजित गरेको हो ।
पोर्चुगलको घरेलु मैदान इस्टाडियो डो स्पोर्ट लिस्बोआ इ बेन्फिका रंगशालामा भएको खेलमा घरेलु टोलीलाई जिताउन कप्तान क्रिस्चियानो रोनाल्डो र ब्रुनो फर्नान्डेजले गोल गरे ।
पराजित स्कटल्याण्डका लागि भने स्कट म्याकटोमनीले गोल गरे ।
खेल सुरु भएको सातौं मिनेटमा केनी म्याकलेनको पासमा म्याकटोमनीले गोल गर्दै स्कटल्याण्डलाई सुरुवाती अग्रता दिलाए ।
तर, दोस्रो हाफको ५४ औं मिनेटमा घरेलु टोलीका लागि राफायल लियोको पासमा फर्नान्डेजले गोल फर्काउँदा खेल १–१ को बराबरीमा आयो ।
त्यसपछि खेलको अन्त्यतिर ८८ औं मिनेटमा नुनो मेन्डिसको पासमा रोनाल्डोले गोल गर्दा पोर्चुगल २–१ ले विजयी भयो ।
रोनाल्डोको उक्त गोल अन्तर्राष्ट्रिय फुटबलमा ९०१ औं समेत रह्यो ।
जितसंगै पोर्चुगलले नेसन्स लिगको समूह चरणमा दुई खेल खेलिसक्दा शतप्रतिशत जितका साथ ६ अंक जोडेर समूह ‘ए१’ को शीर्ष स्थानमा उक्लेको छ ।
पराजित स्कटल्याण्डको भने समान दुई खेलमा दुबैमा पराजय बहोर्दा शुन्य अंकसहित समूह तालिकाको पुच्छारमा रहेको छ ।
लेखक
