एजेन्सी । युईएफए नेसन्स लिगमा इंग्ल्याण्डले विजयी सुरुवात गरेको छ ।
सनिवार राति भएको खेलमा इंग्ल्याण्डले आयरल्याण्डमाथि २–० ले हराउँदै प्रतियोगितामा विजयी सुरुवात गरेको हो ।
आयरल्याण्डको घरेलु मैदान अभिभा स्टेडियममा भएको खेलमा इंग्ल्याण्डलाई जिताउन आयरल्याण्डका पुर्व खेलाडीद्वय डिक्लेन राइस र ज्याक गिर्लिसले गोल गरे ।
राइसले इंग्लिस टोलीबाट खेल्नुपुर्व आइरिस टोलीका लागि उमेर समूहतर्फ यु–१७, यु–१९ र यु–२१ मा खेल्नुका साथै सिनियर टोलीका लागि तीन खेल खेलेका थिए ।
त्यस्तै, गिर्लिसले पनि इंग्ल्याण्डका लागि खेल्नुपुर्व आयरल्याण्डबाट यु–१७, यु–१८ र यु–२१ बाट खेलेका थिए ।
यता, नेसन्स लिगको पहिलो खेलमा दुबै गोल पहिलो हाफमा सम्भव भयो ।
खेल सुरु भएको ११ औं मिनेटमा राइसले गोल गर्दै भ्रमणकारी टोलीलाई सुरुवाती अग्रता दिलाए ।
त्यस्तै, २६ औं मिनेटमा राइसकै पासमा गिर्लिसले गोल गर्दै इंग्ल्याण्डलाई २–० ले अघि बढाए ।
त्यसपछि खेलमा थप गोल निस्किएन र इंग्लिस टोली २–० ले विजयी भयो ।
सहज जितसंगै समूह ‘बी२’ मा इंग्ल्याण्डले महत्वपूर्ण ३ अंक जोडेको छ ।
गयराति नै भएको सोहि समूहको अर्को खेलमा ग्रीसले फिनल्याण्डमाथि ३–० को स्पष्ट जित निकालेको छ ।
लेखक
