भक्तपुर । नेपाल दोस्रो संस्करणको आईसीसी क्रिकेट विश्वकप लिग २ अन्तर्गत त्रिकोणात्मक सिरिजको तेस्रो खेलमा नामिबियासंग पराजित भएको छ ।
बुधवार भएको खेलमा नेपाल नामिबियासंग २ विकेटले पराजित भएको हो ।
योसंगै नेपालले ३ खेलमा १ मा जित र २ मा हारको नतिजा आत्मसाथ गर्दै अंक तालिकामा २ अंक जोडेको छ ।
दुबै खेलमा नेपालमाथि जित हासिल गरेको नामिबियाले भने ३ खेलमा २ मा जित र १ खेलमा हारको नतिजाका साथ ४ अंक जोड्दै अंक तालिकामा शीर्ष स्थानमा उक्लेको छ ।
काठमाडौंको क्रितिपुरस्थित टियु क्रिकेट मैदानमा भएको खेलमा १६९ रनको सामान्य विजयी लक्ष्य पछ्याएको नामिबियाले ३९.५ ओभरमा ८ विकेट गुमाइ १७२ रन जोड्यो ।
भ्रमणकारी टोली नामिबियाको जितमा कप्तान गेरहार्ड इरास्मसले ५६ बलमा ८ चौका र २ छक्का प्रहार गर्दै ५२ रनको अर्धशतकिय पारी खेल्दा जेजे स्मिथले ६६ बल खेल्नेक्रममा १ चौका र २ छक्का प्रहार गर्दै ३४ रन जोडेर अविजित रहे ।
त्यस्तै, माइकल भान लिङगनले ३४ बलमा ४ चौका र २ छक्का प्रहार गर्दै ३१ रन जोडेर आउट हुँदा रुवेन ट्रम्पेलम्यानले १२ बलमा २ चौका र १ छक्का प्रहार गर्दै १६ रन जोडेर पेविलियन फर्किए ।
यता, निको डाभिन ८, विकेटकिपर जेन ग्रिन ६, निकोल लोफ्टी इटान ५, जान फ्राइलिङ्क ४ र जेन पिइरे कोट्जेले ३ रनमा पेविलियन फर्किदा बेर्नाड स्कोल्ट्ज ८ रनमा अविजित रहे ।
नामिबियाले अतिरिक्त रुपमा ५ रन जोड्यो ।
नेपालका लागि कुशल भुर्तेलले ५ ओभर बलिङ गर्दै २८ रन दिएर ३ विकेट लिँदा कप्तान रोहित पौडेल, दिपेन्द्र सिंह ऐरी, ललित राजबंशी र कुशल मल्लले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको नेपालले ३७.१ ओभरमा अलआउट हुँदै १६८ रन बनायो ।
नेपालका लागि विकेटकिपर आसिफ शेखले ६४ बलमा ८ चौका र १ छक्का प्रहार गर्दै ५८ रनको अर्धशतकिय पारी खेल्दा कुशल मल्लले ५२ बल खेल्नेक्रममा १ चौका र ३ छक्का प्रहार गर्दै ३६ रन जोडेर पेविलियन फर्किए ।
त्यस्तै, भिम सार्कीले ३६ बलको सामना गर्दा ३ चौका प्रहार गर्दै २६ रन जोडेर आउट हुँदा ओपनर ब्याट्सम्यान कुशल भुर्तेलले १६ बलमा ३ चौका प्रहार गर्दै १८ रन जोडेर पेविलियन फर्किए ।
यता, करण केसीले १२ बलमा १ चौका र १ छक्का प्रहार गर्दै १२ रन जोडेर आउट हुँदा दिपेन्द्र सिंह ऐरी ६ र सोमपाल कामी ४ रनमा पेविलियन फर्किए ।
अन्य कुनैपनि ब्याट्सम्यानले अंकको खाता नै खोल्न सकेन ।
नेपालले अतिरिक्त रुपमा ८ रन जोड्यो ।
घरेलु टोलीलाई सस्तैमा अलआउट गर्न भ्रमणकारी टोली नामिबियाका लागि बेर्नाड स्कोल्ट्जले १० ओभर बलिङ गथर्दै २ मेडन राख्दै ३१ रन दिएर ४ विकेट लिँदा निकोल लोफ्टी इटानले ६.१ ओभर बलिङ गर्दै ३४ रन दिएर ४ विकेट लिए ।
त्यस्तै, कप्तान गेरहार्ड इरास्मस र ज्याक ब्रुस्सेलले समान १–१ विकेट लिए ।
लेखक
