भक्तपुर । नेपाल क्रिकेट संघ (क्यान) को आयोजनामा हुने नेपाल टि–२० क्रिकेट लिगको खेल तालिका पुनः सार्वजनिक गरिएको छ ।
आज (शुक्रवार) बाट सुरु हुनुपर्ने लिग एकदिन ढिला भोली (सनिवार) देखि हुने भएको कारणले खेल तालिका पुनः सार्वजनिक गरिएको हो ।
क्यानले पहिलोपल्ट आयोजना गर्न लागेको फ्रेन्चाइज लिग तयारी नपुगेको भन्दै ३ पटक मिति सारिसकेको छ ।
यस्तोमा हिजो क्यानले एक विज्ञप्ति प्रकाशित गर्दै प्रतियोगिता फेरि एक दिन पर धकेलेको थियो ।
सोहि विज्ञप्तिमार्फत टि–२० लिगका लागि प्रतियोगिता डाइरक्टर क्यानका महाप्रवन्धक वृतान्त खनाललाई नियुक्ति गरेको जनाएको थियो ।
नयाँ तालिका अनुसार ६ फ्रेन्चाइज टोलीको सहभागिता रहने प्रतियोगिताको पहिलो खेलमा काठमाडौं नाइट्स र पोखरा एभेन्जर्सबीच भोलि विहान सवा ९ बजे प्रतिस्पर्धा हुनेछ ।
त्यस्तै, लुम्बिनी अल स्टार्स र फार वेस्ट युनाइटेडविच दिउँसो सवा १ बजे प्रतिस्पर्धा हुनेछ ।
टि–२० को सबै खेल काठमाडौंस्थित टियू क्रिकेट मैदानमा हुनेछ ।
लेखक
