भक्तपुर । नेपालले एसीसी यु–१६ इस्ट जोन कपको उपाधि रक्षा गरेको छ ।
सनिवार भएको फाइनल खेलमा सिंगापुरमाथि २ विकेटको जित निकाल्दै साविक विजेता नेपालले उपाधि रक्षा गरेको हो ।
पराजित सिंगापुर भने उपविजेतामा सिमित बन्यो ।
मलेसियाको बाङ्गीस्थित वाइएसडी युकेएम ओभल मैदानमा भएको फाइनल खेलमा ११४ रनको सामान्य विजयी लक्ष्य पछ्याएको नेपालले २९ ओभरमा ८ विकेट गुमाएर ११७ रन जोड्दै जित रच्यो ।
नेपाललाई जिताउन जोय थापाले ५३ बलमा ३ चौका प्रहार गर्दै २४ रन जोडेर अविजित रहँदा विकेटकिपर शिवान्श बजगाईले १३ बल खेल्दै २ चौका र १ छक्का प्रहार गर्दै २० रन जोडेर पेविलियन फर्किए ।
त्यस्तै, शुभम् खनालले ४० बलमा ३ चौका प्रहार गर्दै १८ रन जोडेर आउट हुँदा ओपनर ब्याट्सम्यान प्रसिद्ध जैशीेले २८ बल खेल्नेक्रममा २ चौका प्रहार गर्दै १७ रन जोडेर पेविलियन फर्किए ।
यता, अर्का ओपनर परिमार्जन यादवले ९ बलमा ३ चौका प्रहार गर्दै १३ रन जोडेर आउट हुँदा अभय यादवले १२ बल खेल्नेक्रममा १ छक्का प्रहार गर्दै १० रन जोडेर अविजित रहे ।
सुगम बुढाथोकी र सचिन भट्टले समान १–१ रन बनाएर आउट हुँदा कप्तान बिपिन प्रसाद शर्मा र रौनक श्रीवास्तब शुन्य रनमा पेविलियन फर्किए ।
नेपालले अतिरिक्त रुपमा १३ रन जोड्यो ।
सिंगापुरका लागि कपिश भेनकत्रामानले ४ विकेट लिँदा युभान पाण्डेले २ तथा भेदान्श गुप्ता र आकाश तेजाले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको सिंगापुरले ४०.५ ओभरमा अलआउट हुँदै ११३ रन जोड्यो ।
सिंगापुरका लागि ओपनर ब्याट्सम्यान तथा विकेटकिपर रोहन अस्टिन अरुणले ८४ बलमा २ चौका प्रहार गर्दै २३ रन जोडेर आउट हुँदा रियान नाइकले ११ बल खेल्दै ३ चौका प्रहार गरेर १५ रन बनाएर पेविलियन फर्किए ।
त्यस्तै, भेदान्श गुप्ताले ३८ बलमा १ चौका प्रहार गर्दै १२ रन जोडेर अविजित रहँदा आकाश तेजाले २४ बल खेल्नेक्रममा २ चौका प्रहार गर्दै १० रन जोडेर पेविलियन फर्किए ।
यता, आरभ अग्रवाल र युभान पाण्डे समान ९–९, स्वरित ठाकुर ५, प्रनद इशान मेधुरी र कपिश भेनकत्रामान २–२ रनमा आउट हुँदा अर्का ओपनर आहान भुथानदम र इल्भिन थोमस भर्गेसे शुन्य रनमा पेविलियन फर्किए ।
सिंगापुरले अतिरिक्त रुपमा २६ रन जोड्यो ।
नेपालका लागि अभय यादवले १० ओभर बलिङ गर्दै २ मेडन राखेर ३ विकेट लिँदा शुशिल बहादर रावलले ८ ओभर बलिङ गर्दै ३८ रन दिएर ३ विकेट लिए ।
त्यस्तै, शुभम् खनालले ७.५ ओभर बलिङ गर्नेक्रममा १ मेडनसहित १७ रन दिएर २ विकेट लिँदा बिपिन प्रसाद शर्माले १० ओभर बलिङ गर्दै ३ मेडन राखेर १४ रन दिएर १ विकेट लिए ।
लेखक
