भक्तपुर । काठमाडौंमा जारी टि–२० अन्तर्राष्ट्रिय त्रिदेशिय सिरिजअन्तर्गत फाइनल खेलमा नेपालले नेडरल्याण्ड्ससमक्ष जितका लागि १८५ रनको विजयी लक्ष्य प्रस्तुत गरेको छ ।
क्रितिपुरस्थित टियु क्रिकेट मैदानमा जारी खेलमा टस जित्दै पहिला ब्याटिङमा उत्रिएको नेपालले निर्धारित २० ओभरको खेलमा ८ विकेट गुमाउँदै १८४ रन जोड्यो ।
योसंगै भ्रमणकारी डच टोलीले जितका लागि २० ओभरमा १८५ रन जोड्न पर्ने भएको हो ।
नेपालका लागि ओपनर ब्याट्सम्यान तथा विकेटकिपर आसिफ शेखले ३७ बलमा १ चौका र ३ छक्का प्रहार गर्दै ४७ रन जोड्दा चौथौं नम्बरमा ब्याटिङ गर्न आएका गुलशन झाले २५ बल खेल्नेक्रममा ३ छक्का प्रहार गर्दै ३४ रन जोडेर पेविलियन फर्किए ।
त्यस्तै, छैटौं नम्बरमा आएका कुशल मल्लले ११ बलमा ३ छक्का प्रहार गर्दै २६ रन जोडेर आउट हुँदा तेस्रो नम्बरमा ब्याटिङ गर्न आएका कप्तान रोहित पौडेलले १९ बल खेल्दै ३ चौका र १ छक्का प्रहार गर्दै २५ रन जोडेर पेविलियन फर्किए ।
यता, अर्का ओपनर कुशल भुर्तेलले १० बलमा १ चौका र २ छकका प्रहार गर्दै २० रन जोडेर आउट हुँदा सातौं नम्बरमा आएका करण केसी ९ र पाँचौं नम्बरमा आएका दिपेन्द्र सिंह ऐरी १ रनमा पेविलियन फर्किए ।
आठौं नम्बरमा आएका सोमपाल कामी र १० औं नम्बरमा आएका प्रतिश जिसी समान ६–६ रनमा अविजित रहँदा ९ औं नम्बरमा ब्याटिङमा आएका आरिफ शेख भने शुन्य रनमा पेविलियन फर्किए ।
नेपालले अतिरिक्त रुपमा १० रन जोड्यो ।
नेडरल्याण्ड्सका लागि स्याब्रान्ड इंगलब्रेच्ट, माइकल लेभिट, टिम भान देर गगटेन र फ्रेड क्लास्सेनले समान २–२ विकेट लिए ।
लेखक
