भक्तपुर । नेपालले ३ खेलको एकदिवसिय अन्तर्राष्ट्रिय (आडिआई) सिरिजमा अन्तर्गत पहिलो खेलमा क्यानडामाथि जितका लागि मध्यम विजयी लक्ष्य प्रस्तुत गरेको छ ।
काठमाडौंको क्रितिपुरस्थित टियु क्रिकेट मैदानमा जारी खेलमा नेपालले क्यानडामाथि जितका लागि २२५ रनको मध्यम विजयी लक्ष्य प्रस्तुत गरेको हो ।
टस जित्दै पहिला ब्याटिङमा उत्रिएको नेपालले निर्धारित ५० ओभरको खेलमा अलआउट हुँदै २२४ रन जोड्यो ।
नेपालका लागि ओपनर ब्याट्सम्यान कुशल भुर्तेलले ५८ बलमा ९ चौका र १ छक्का प्रहार गर्दै सर्वाधिक ६२ रनको अर्धशतकिय पारी खेल्दा आरिफ शेखले ५० बल खेल्नेक्रममा ४ चौका प्रहार गर्दै ३८ रन जोड्दै पेविलियन फर्किए ।
त्यस्तै, सोमपाल कामीले २३ बलमा १ चौका र २ छक्का प्रहार गर्दै २७ रन जोडेर आउट हुँदा भिम सार्कीले २६ बल खेल्दै २ चौका प्रहार गरेर १७ रन जोडेर पेविलयन फर्किए ।
यता, कुशल मल्लले ३२ बलमा १ चौका र १ छक्का प्रहार गर्दै २० रन जोडेर आउट हुँदा पवन शराफले ३४ बलमा १ चौका प्रहार गरेर १५ रन जोड्दै पेविलियन फर्किए ।
नेपालका लागि कप्तान रोहित पौडेल र विकेटकिपर आसिफ शेखले समान ८–८ रन जोड्दा डेब्यु खेल खेलिरहेका रिजन ढकाल ४ र ललित राजबंशी २ रन बनाएर पेविलियन फर्किए ।
सुर्य तामाङ भने १० रनमा अविजित रहे ।
नेपालले अतिरिक्त रुपमा १४ रन जोड्यो ।
क्यानडाका लागि उदय भगवानले ८ ओभर बलिङ गर्नेक्रममा १ मेडन राख्दै ४० रन दिएर ३ विकेट लिँदा साद बिन जफरले १० ओभर बलिङ गर्दै ४४ रन खर्चिएर २ विकेट लिए ।
त्यस्तै, इश्वरजोत सिंह सोहीले ८ ओभर बलिङ गर्दै ३० रन दिएर २ विकेट लिँदा शाहिद अहमदजायी र हर्ष थाकेरले समान १–१ विकेट लिए ।
लेखक
