भक्तपुर । काठमाडौमा जारी एसीसी प्रिमियर लिगअन्तर्गत समूह ‘ए’ को अन्तिम खेलमा नेपाल कतारलाई जितका लागि १५८ रनको समान्य विजयी लक्ष्य प्रस्तुत गरेको छ ।
विहिवार क्रितिपुरस्थित टियु क्रिकेट मैदानमा टस हार्दै पहिला ब्याटिङमा आएको घरेलु टोली नेपाल खराब ब्याटिङ गर्ने क्रममा ४०.३ ओभरमा अलआउट हुँदै १५७ रनमा समेतिएसंगै कतारलेसमान्य विजयी लक्ष्य पाएको हो ।
नेपालका लागि स्पिनर सन्दिप लामिछानेले ५८ बलमा ६ चौका प्रहार गर्दै सर्वाधिक ४२ रन बनाएका थिए ।
नेपालका कुनैपनि अन्य ब्याटर आज चल्न सकेनन् । कप्तान रोहित पौडेल ३६ बलमा २ चौका मद्दतमा २७ रन बनाएर पेविलियन फर्किदा विकेटकिपर आसिफ शेख २७ बल खेल्दै २ चौकाको सहयोगमा १९ रन जोड्दै आउट भए ।
दिपेन्द्र सिंह ऐरी १९ बलमा १२, आरिफ शेख २७ बलमा ११, सोमपाल कामी २७ बलमा ११ रन बनाउँदै पेविलियन फर्किदा अन्य ब्याट्सम्यानले दोहोरो अंकमा रन बटुल्न सकेनन् ।
भिम सार्की ६, कुशल मल्ल ३, कुशल भुर्तेल २, गुलशन झा ७ रनमा आउट हुाँ ललित राजबंशी १ रनमा अविजित रहे । नेपालले अतिरिक्त रुपमा १६ रन जोड्यो ।
नेपाललाई सस्तैमा समेत्न कतारका अमिर फारुकले ९.३ ओभर बलिङ गर्दै ४२ रन खर्चिएर सर्वाधिक ४ विकेट लिए ।
त्यस्तै, ओवाइस अहम्मेदले १० ओभरमा ३६ रन दिएर ३ विकेट लिँदा गायान मुनावेराले ७ ओभर बलिङ गर्दै ३८ रन खर्चिएर २ विकेट लियो ।
यता, मुहम्मद इक्रामुल्लाहले १० ओभरमा २८ रन दिएर १ विकेट लिए ।
लेखक
