भक्तपुर । काठमाडौंमा जारी आईसीसी विश्वकप लिग २ त्रिकोणात्मक सिरिजअन्तर्गत खेलमा स्कटल्याण्डले नामिबियामाथि १० विकेटको जित हात पारेको छ ।
बुधवार भएको खेलमा १५४ रनको सामान्य विजयी लक्ष्य पछ्याएको स्कटल्याण्डले २२.१ ओभरमा विना कुनै विकेटको क्षतिमा १५७ रन बनाउँदै लक्ष्य पूरा गर्यो ।
क्रितिपुरस्थित टियू क्रिकेट मैदानमा भएको खेलमा स्कटल्याण्डका लागि जोर्ज मुन्सेले ६१ बल खेल्दै १२ चौका र ७ छक्का प्रहार गर्दै सर्वाधिक १०३ रनको शतिकिय पारी खेले ।
त्यस्तै, कप्तान केली कोइट्जरले ७२ बलमा ७ चौका मद्दतमा ४६ रन जोडे । स्कटल्याण्डका लागि ओपनिङमा आएका यी दुई ब्याटरलाई नामिबियाका बलरले रोक्न नसक्दा अविजित रहँदै खेल जिताए ।
स्कटल्याण्डले अतिरिक्त रुपमा ८ रन पाएको थियो ।
त्यसअघि टस हारेर पहिला ब्याटिङमा उत्रिएको नामिबियाले ३९.२ ओभरमा अलआउट हुँदै मात्र १५३ रन जोड्न सक्यो ।
नामिबियाका लागि लो हान्द्रे लौरेन्सले ८८ बलमा ५ चौका प्रहार गर्दै सर्वाधिक ५४ रनको अर्धशतकिय इनिङ्स खेले ।
त्यस्तै, बेनार्ड स्कोल्जले३९ बल खेल्दै ३ चौका र १ छक्का मद्दतमा ३० रन जोडे । यता, विकेटकिपरसमेत रहेका जेन ग्रीनले ३५ बल खेल्दै ४ चौकाको सहयोगमा २५ रन बनाउँदै पेविलियन फर्किदा पिक्की या फ्रान्सले ११ रन बनाउँदै आउट भए ।
नामिबियाका अन्य ब्याट्सम्यानले दोहोरो अंकमा रन बटुलन सकेनन् । अतिरिक्त रुपमा नामिबियाले १७ रन जोडेको थियो ।
स्कटल्याण्डका लागि माइकल लिस्कले सर्वाधिक ४ विकेट हात पार्दा सफ्यान शरिफ र मार्क वाटले समान ३–३ विकेट लिए ।
लेखक
