एजेन्सी । इंग्ल्याण्डले आईसीसी टि–२० विश्वकपअन्तर्गत खेलमा नामिबियालाई पराजित गरेको छ ।
सनिवार राति भएको खेलमा साविक विजेता इंग्ल्याण्डले नामिबियालाई ४१ रनले पराजित गरेको हो ।
महत्वपूर्ण जितसंगै इंग्ल्याण्डले सुपर ८ मा प्रवेश गर्ने सम्भावना पनि कायमै राखेको छ ।
समूह ‘बी’ मा रहेको इंग्ल्याण्डले समूह चरणका सबै खेल सक्दा ५ अंक जोडेर तालिकाको दोस्रो स्थानमा उक्लेको छ ।
यता, समूह चरणमा एक खेल खेल्न बाँकी स्कटल्याण्डको पनि समान ५ नै अंक भएतापनि नेट रननेट आधारमा इंग्ल्याण्ड दोस्रो स्थानमा उक्लिएको हो ।
पराजित नामिबियाको भने ४ खेलबाट २ अंकसहित तालिकाको चौथौं स्थानमा रह्यो ।
वेस्ट इन्डिजस्थित सर भिभियान रिचार्ड स्टेडियममा भएको वर्षाले प्रभावित खेलमा १२६ रनको विजयी लक्ष्यका साथ जवाफी ब्याटिङमा उत्रिएको नामिबिया १० ओभरको खेल खेल्नेक्रममा ३ विकेट गुमाउँदै ८४ रन जोड्यो ।
वर्षाले प्रभावित बनेपछि खेललाई निर्धारित २० ओभरबाट घटाएर ११–११ ओभरमा झारिएको थियो ।
तर, पहिलो इनिङ्स खेल्दै गर्दा फेरी वर्षा भएपछि खेल १० ओभरमा झारियो ।
जसले गर्दा पहिलो इनिङ्समा इंग्ल्याण्डले १२२ रन जोडेतापनि डिएलएस पद्दती अनुसार १२६ रनको लक्ष्य नामिबियालाई दियो ।
इइ
नामिबियाका लागि ओपनर ब्याट्सम्यान माइकल भान लिगेनले २९ बलमा १ चौका र ३ छक्का प्रहार गर्दै ३३ रन जोडेर आउट हुँदा डेभिड वेइसेले १२ बल खेल्दै २ चौका र २ छक्का प्रहार गर्दै पेविलियन फर्किए ।
त्यस्तै, निको डाभिनले १६ बलमा १ चौका र १ छक्का प्रहार गर्दै १८ रन जोडेर रिटायर्ड हर्ट हुँदै पेविलियन फर्किदा कप्तान गेरार्ड इसास्मुस १ र जेजे स्मिथ शुन्य रनमा अविजित रहे ।
नामिबियाले अतिरिक्त रुपमा ५ रन जोड्यो ।
नामिबियामाथि जित निकाल्न साविक विजेता टोलीका लागि जोर्फा आर्चर र क्रिस जोर्डनले समान १–१ विकेट लिए ।
टस हारेर पहिला ब्याटिङमा उत्रिएको इंग्ल्याण्डले १० ओभरमा ५ विकेट गुमाउँदै १२२ रन जोड्यो ।
साविक विजेता टोलीका लागि ह्यारी ब्रुकले २० बलमा ४ चौका र २ छक्का प्रहार गर्दै ४७ रन जोडेर अविजित रहँदा जोनी बाइस्ट्रोले १८ बल खेल्नेक्रममा ३ चौका र २ छक्का प्रहार गर्दै ३१ रन जोडेर पेविलियन फर्किए ।
त्यस्तै, मोइन अलीले ६ बलमा २ छक्का प्रहार गर्दै १६ रन जोडेर पेविलियन फर्किदा लैम लिभिङस्टोनले ४ बल खेल्दै २ छक्का प्रहार गरेर १३ रन जोड्दै अन्तिम बलमा रनआउट भए ।
यता, ओपनर ब्याट्सम्यान फिल साल्टले ८ बलमा २ चौका प्रहार गर्दै ११ रन जोडेर आउट हुँदा अर्का ओपनर कप्तान तथा विकेटकिपर जोस बटलर शुन्य रनमा पेविलियन फर्किए ।
इंग्ल्याण्डले अतिरिक्त रुपमा ४ रन जोड्यो ।
नामिबियाका लागि रुविन ट्रम्पेलम्यानले २ ओभर बलिङ गर्दै ३१ रन खर्चिएर २ विकेट लिँदा बेनार्ड स्कोल्ट्जले र डेभिड वेइसेले समान १–१ विकेट लिए ।
लेखक
