एजेन्सी । दक्षिण अफ्रिकामा जारी आईसीसी यु–१९ क्रिकेट विश्वकपअन्तर्गत खेलमा नामिबियामाथि सहज जित निकाल्दै जिम्बावे सुपर ६ मा छानिएको छ ।
सनिवार भएको समूह चरणको अन्तिम खेलमा नामिबियामाथि ८ विकेटको सहज जित निकाल्दै जिम्बावे विश्वकपको सुपर ६ मा प्रवेश गरेको हो ।
समूह ‘सी’ मा रहेको जिम्बावेले जितसंगै समूह तालिकामा २ अंक जोड्दै तेस्रोमा उक्लियो ।
पराजित नामिबिया भने समूह चरणको सबै ३ खेलमा हार बेहोर्दै शुन्य अंकका साथ समूह तालिकामा पुच्छारमा रह्यो ।
नर्डन केपस्थित दि बियर्स डाइमण्ड ओभल रंगशालामा भएको खेलमा १४७ रनको सामान्य विजयी लक्ष्य पछ्याएको जिम्बावेले ३५.३ ओभरमा २ विकेट गुमाउँदै पूरा गर्यो ।
जिम्बावेको जितमा पानासी तरुभिङ्गाले ११५ बलमा ७ चौका प्रहार गर्दै ५९ रनको अर्धशतकिय पारी खेल्दै अविजित रहँदा ब्रान्डन सुङ्गुरोले ७२ बल खेल्दै ३ चौका प्रहार गरेर २९ रन जोड्दै पेविलियन फर्कियो ।
त्यस्तै, विकेटकिपर रायन टाकुन्डा कामवेम्बाले १९ बलमा ४ चौका प्रहार गर्दै १६ रन जोड्दै आउट हुँदा क्याम्पबेल क्राइग म्याकमिलानले ९ बल खेल्दै २ चौका प्रहार गरेर १० रन जोड्दै अविजित रहे ।
जिम्बावेले अतिरिक्त रुपमा ३३ रन जोड्यो ।
नामिबियाका लागि ज्याक ब्रुस्सेलले ७ ओभर बलिङ गर्दै १ मेडन राखेर २४ रन दिँदै १ विकेट लिँदा गेरहार्ड जान्से भान रेन्सबर्गले ९ ओभर बलिङ गर्दै ३० रन दिएर १ विकेट लिए ।
त्यसअघि टस हारेर पहिला ब्याटिङमा उत्रिएको नामिबियाले निर्धारित ५० ओभरको खेलमा ८ विकेट गुमाउँदै १४६ रन जोड्यो ।
नामिबियाका लागि हान्रो बाडेनहोर्स्टले ७६ बल खेल्दै २ चौका र २ छक्का प्रहार गर्दै ३९ रन जोडेर अविजित रहँदा ओपनर ब्याट्सम्यान गेरहार्ड जान्से भान रेन्सबर्गले ४४ बलमा २ चौका प्रहार गर्दै २३ रन जोडेर पेविलियन फर्किए ।
त्यस्तै, एलेक्जान्डर बुसिङ भोलस्चेङ्कले ३७ बलमा १ चौका र १ छक्का प्रहार गर्दै २२ रन जोडेर आउट हुँदा जाचेओ भान भुरेनले २९ बल खेल्दै २ चौका प्रहार गरेर ११ रन जोड्दै पेविलियन फर्किए ।
यता, बिन ब्रास्सेलले २७ बलमा १ चौका प्रहार गर्दै ११ रन जोडेर आउट हुँदा विकेटकिपर जेडब्लु भिसागिई ८, पिटर ड्यानियल ब्लिग्नौट ७, ज्याक ब्रुस्सेल २ र हान्सेइ डि भिलियर्स १ रनमा पेविलियन फर्किए ।
वाउटर पाइटर नाइहाउस २ रनमा अविजित रहे ।
नामिबियाले अतिरिक्त रुपमा २० रन जोड्यो ।
नामिबियालाई सस्तैमा समेत्न जिम्बावेका लागि न्युम्यान टाकुडज्वा न्यामहुरीले १० ओभर बलिङ गर्दै २ मेडन राखेर मात्र २१ रन दिएर सर्वाधिक ४ विकेट लिए ।
त्यस्तै, रायन सिम्बीले १० ओभर बलिङ गर्दै २ मेडनसहित २० रन दिएर ३ विकेट लिँदा कोहल विलियम एकस्टिनले ८ ओभर बलिङ गर्दै १८ रन दिएर १ विकेट हासिल गरे ।
लेखक
