भक्तपुर । नामिबियाले दोस्रो संस्करणको आईसीसी क्रिकेट विश्वकप लिग २ त्रिकोणात्मक सिरिजअन्तर्गत खेलमा नेडरलयाण्ड्सलाई पराजित गरेको छ ।
शुक्रवार भएको खेलमा नामिबियाले तुलनात्मक रुपमा बलियो राष्ट्र नेडरल्याण्ड्सलाई २४ रनले पराजित गरेको हो ।
योसंगै नामिबियाले ४ खेलमा ३ मा जित र १ मा हारको नतिजा आत्मसाथ गर्दै लिग २ को अंक तालिकामा ६ अंक जोड्दै शीर्ष स्थानमा कायम रहेको छ ।
पराजित नेडरल्याण्ड्सको ३ खेलमा १ मा जित र २ मा हारसंगै २ अंकका साथ तालिकाको तेस्रो स्थानमा रहको छ ।
काठमाडौंको क्रितिपुरस्थित टियु क्रिकेट मैदानमा भएको खेलमा २०४ रनको विजयी लक्ष्यका साथ जवाफी ब्याटिङमा उत्रिएको डच टोली ४३.५ ओभरमा अलआउट हुँदा मात्र १७९ रनमा समेतियो ।
डच टोलीका लागि नोह क्रोएसले ४६ बलमा ३ चौका प्रहार गर्दै ४६ रन जोडेर अविजित रहँदा ओपनर ब्याट्सम्यान म्याक्स ओडोडले ६४ बल खेल्नेक्रममा ४ चौका र १ छक्का प्रहार गर्दै ४१ रन जोडेर पेविलियन फर्किए ।
त्यस्तै, बास दि लिडले ४४ बलको सामना गर्दा २ चौका प्रहार गर्दै २४ रन जोडेर आउट हुँदा शारिज अहमदले २९ बलमा २ चौका प्रहार गर्दै १९ रन जोडेर पेविलियन फर्किए ।
यता, तेजा निदामनुरुले २७ बलमा २ चौका प्रहार गर्दै १४ रन जोड्दै आउट हुँदा स्यब्रान्ड इगलब्रेच्टले १३ बलमा २ चौका प्रहार गरेर १० रन जोड्दै पेविलियन फर्किए ।
कप्तान तथा विकेटकिपर स्कट इवार्डस् ४, रोयल्फ भान देर मेर्वे ३ र आर्यान दत्त १ रनमा आउट हुँदा अर्का ओपनर माइकल लेभिट र भिभियान किंगमा शुन्य रनमा पेविलियन फर्किए ।
डच टोलीले अतिरिक्त रुपमा १७ रन जोड्यो ।
बलियो डच टोलीलाई स्तब्ध पार्न नामिबियाका लागि कप्तान गेरहार्ड इरास्मस र जान फ्राइलिंकले समान ३–३ विकेट लिँदा बेर्नार्ड स्कोल्ट्जले २ विकेट हासिल गरे ।
त्यस्तै, रुवेन ट्रम्पेलम्यान र निकोल लोफ्टी इटनले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको नामिबियाले ४१.३ ओभरमा अलआउट हुँदै २०३ रन जोड्यो ।
नामिबियाका लागि निकोल लोफ्टी इटनले ४३ बलमा ६ चौका र २ छक्का प्रहार गर्दै ४९ रनमा खेल्दै गर्दा रनआउट हुन पुगेपछि अर्धशतक बनाउनबाट १ रनले चुके ।
त्यस्तै, ओपनर ब्याट्सम्यान मलान क्रुगेरले ४८ बलमा ५ चौका प्रहार गरेर ३९ रन जोड्दै पेविलियन फर्किदा जान फ्राइलिंकले ५७ बल खेल्नेक्रममा ४ चौका प्रहार गगर्दै ३४ रन जोडेर आउट भए ।
यता, रुवेन ट्रम्पेलम्यानले २६ बलमा ३ चौका प्रहार गर्दै २३ रन जोडेर अविजित रहँदा विकेटकिपर जेन ग्रिनले २० बल खेल्दै २ चौका र १ छक्का प्रहार गर्दै २२ रन जोडेर पेविलियन फर्किए ।
उता, कप्तान गेरहार्ड इरास्मसले ५७ बलको सामना गर्दा २ चौका प्रहार गर्दै १२ रन जोडेर पेविलियन फर्किदा माइकल भान लिङ्गनले २१ बल खेल्नेक्रममा २ चौका प्रहार गर्दै १० रन जोडेर आउट भए ।
ज्याक ब्रुस्सेल १ रनमा आउट हुँदा निको डाभिन, जेजे स्मिथ र बेनार्ड स्कोल्ट्ज शुन्य रनमा पेविलियन फर्किए ।
नामिबियाले अतिरिक्त रुपमा १३ रन जोड्यो ।
डच टोलीका लागि भिभियान किंगमाले ३ विकेट लिँदा आर्यान दत्त र रोयल्फ भान देर मेर्वेले समान २–२ विकेट लिए ।
त्यस्तै, शारिज अहमद र बास दि लिडले १–१ विकेट लिए ।
लेखक
