एजेन्सी । फ्रोसिननसंग फराकिलोअन्तरले पराजित हुँदै नापोली इटालियन प्रतियोगिता कोपा इटालियाबाट बाहिरिएको छ ।
मंगलवार राति भएको अन्तिम १६ अन्तर्गत खेलमा बलियो नापोली तुलनात्मक रुपमा कमजोर प्रतिद्वन्दी फ्रोसिननसंग ४–० को फराकिलो गोलअन्तरले पराजित हुँदै प्रतियोगिताबाट बाहिरिएको हो ।
नापोलीको घरेलु मैदान डिएगो अर्मान्डो म्यारोडोना रंगशालामा भएको खेलको ६५ औं मिनेटमा इन्जो बारेनेचियाको गोलमार्फत् भ्रमणकारी टोलीले १–० को अग्रता लियो ।
त्यसपछि ७० औं मिनेटमा गिउसेप्पे कासोले गोल थप्दा फ्रोसिनन २–० ले अघि बढ्यो ।
यता, निर्धारित ९० मिनेटपछि थपिएको अतिरिक्त समयको पहिलो मिनेटमा वालिद चेडिराले पेनाल्टीमार्फत गोल थप्दा फ्रोसिनन ३–० ले अघि बढ्यो ।
खेलको अन्तिम समयतिर अब्दोउ हारौइले गोल थप्दा फ्रोसिनन ४–० ले विजयी भयो ।
बलियो टोलीविरुद्व फराकिलो जितसंगै फ्रोसिनन भने क्वाटरफाइनलमा प्रवेश गरेको छ ।
सोहि प्रतियोगिताअन्तर्गत गयराति नै भएको अन्य खेलहरुमा लाजियोले जियोनामाथि १–० को जित हासिल गर्दा फियोरेन्टिनाले पार्मामाथि पेनाल्टी सुटआउटमा ४–१ को जित निकाल्यो ।
निर्धारित समयको खेल २–२ को बराबरीमा सकिएपछि फियोरेन्टिना ट्राइब्रेकरमा विजयी बन्यो ।
जितसंगै लाजियो र फियोरेन्टिना प्रतियोगिताको क्वाटरफाइनलमा प्रवेश गरेको छ ।
लेखक
