एजेन्सी । नापोलीलाई पराजित गर्दै इन्टर मिलानले इटालियन प्रतिष्ठित प्रतियोगिता सुपरकोपा इटालियानाको उपाधि जितेको छ ।
सोमवार राति भएको फाइनल खेलमा सिरी ए को च्याम्पियन टोली नापोलीलाई १–० ले पराजित गर्दै साविक विजेता समेत रहेको इन्टर मिलानले ३६ औं संस्करणको सुपरकोपा इटालियानाको उपाधि जितेको हो ।
साउदी अरबियास्थित अल अवाल पार्क एट किंग साउद युनिभर्सिटी रंगशालामा भएको उपाधि भिडन्तमा लाउटारो मार्टिनेजले खेलमा एकमात्र निर्णायक गोल गरे ।
इन्टरका कप्तान समेत रहेका मार्टिनेजले बेन्जामिन पाभार्डको पासमा खेलको अन्तिम समयतिर इन्जुरी समयको पहिलो मिनेटमा गोल गर्दै इन्टरलाई जिताए ।
योसंगै इन्टरले सुपरकोपा उपाधि रक्षा गर्नुका साथै लगातार ३ वर्ष उपाधि उचाल्न सफल बन्यो ।
सिरी ए विजेता, उपविजेता र कोपा इटालियाको विजेता, उपविजेता गरि चार टोलीको सहभागिता रहने इटालियन सुपर कप इन्टर मिलानले जितेको यो आठौं पटक हो ।
सुपरकोपा इटालियाको सर्वाधिक सफल क्लब भने युभेन्टस रहेको छ ।
युभेन्टसले क्रीतिमानी ९ पटक कोपा इटालियाको उपाधि जितेको छ ।
लेखक
