भक्तपुर । संकटा क्लबले सहिद स्मारक ‘ए’ डिभिजन लिगका लागि मंगलबार आयुष घलानसहित ६ खेलाडीलाई अनुबन्ध गरेको छ ।
संकटाले नयाँ सिजनका लागि आयुषसँगै सुनील बल, रक्षक गौतम श्रेष्ठ, निशान खड्का, मिडफिल्डर सुरज ठकुरी र गोलकिपर टिकेन्द्र थापालाई अनुबन्ध गरेको हो ।
संकटाले सामाजिक सञ्जाल फेसबुकमार्फत सो कुरा सार्वजनिक गरेको हो ।
सुनीलले गत सिजन मच्छिन्द्र क्लबबाट लिग खेलेका थिए । आयुष र निशानले थ्री स्टारबाट खेलेका थिए ।
त्यस्तै, गौतमले त्रिभुवन आर्मी क्लबबाट गएको सिजन खेलेका थिए ।
यता, चर्चित खेलाडी अन्जन विष्ट पनि नयाँ सिजनका लागि ‘ए’ डिभिजनको नव प्रवेशी क्लब चर्च ब्वाइज क्लबमा आबद्व भएका छन् । यसअघि उनी मनाङ मस्र्याङडी क्लबबाट खेल्दै आएका थिए ।
लिगको नयाँ सिजन यही पुस २६ गते हुबाट सुरु गर्ने तयारी भएपनि अखिल नेपाल फुटबल संघ (एन्फा) र ‘ए’ डिभिजन क्लबहरुबीचको विवाद समाधान नहुँदा अन्योलमा छ ।
संकटाले आजबाट पोखरामा सुरु हुँने हुने आहा रारा पोखरा गोल्डकप खेल्दैछ ।
लेखक
