
एजेन्सी । इंग्लिस प्रिमियर लिगअन्तर्गत नयाँ वर्षको प्रारम्भको दिन एस्टनभिल्लाले टोटनहम हटस्परलाई पराजित गरेको छ ।
आइतवार टोटनहमको रंगशालामा भएको खेलमा एस्टनभिल्ला २–० ले विजयी भयो ।
भ्रमणकारी टोलीका लागि इमिलियानो बुइन्दीया र डग्लास लुइजले गोल गरे । पहिलो हाफ गोलरहित बराबरीमा सकिएको खेलको ५० औं मिनेटमा बुइन्दीयाले गोल गर्दै एस्टनभिल्लालाई सनसनी अग्रता दिलाएका थिए ।
त्यसपछि ७३ औं मिनेटमा लुइजले गोल थप्दा खेलमा एस्टनभिल्ला २–० ले अघि बढ्यो । त्यसपछि दुबै टोलीले केहि गोलका अवसर सिर्जना गरे तापनि थप गोल ननिस्कदा खेल युनेइ इमिरेको एस्टनभिल्लाले २–० ले जित्यो ।
जितसंगै एस्टनभिल्लाले १७ खेलमा २१ अंक जोडेको छ । भिल्ला लिग तालिकाको १२ औं स्थानमा छ ।
यता, घरेलु मैदानमै पराजय बेहोरेको स्पर्सका रुपमा पनि चिनिने टोटनहमको १७ खेल खेलिसक्दा ३० अंक छ । स्पर्स तालिकाको पाँचौं स्थानमा छ ।