एजेन्सी । भारतमा जारी इन्डियन प्रिमियर लिग (आईपिएल) अन्तर्गत खेलमा दिल्ली क्यापिटल्समाथि सनराइजर्स हैदराबादले सहज जित हासिल गरेको छ ।
सनिवार राति भएको आईपिएल खेलमा दिल्ली क्यापिटल्समाथि सनराइजर्स हैदराबादले ६७ रनको सहज जित हासिल गरेको हो ।
जितसंगै हैदराबादले ७ खेलबाट १० अंक जोड्दै लिग तालिकाको दोस्रो स्थानमा कायम रहेको छ ।
पराजित दिल्लीको भने ८ खेलमा ६ अंकसहित तालिकाको सातौं स्थानमा रहेको छ ।
दिल्लीको घरेलु मैदान अरुण जेट्ली रंगशालामा भएको खेलमा २६७ रनको विशाल विजयी लक्ष्यका साथ मैदान उत्रिएको दिल्ली १९.१ ओभरमा अलआउट हुँदा मात्र १९९ रनमा समेतियो ।
दिल्लीका लागि ज्याक फ्रासेर म्याकग्रुकले १८ बलमा ५ चौका र ७ छक्का प्रहार गर्दै ६५ रनको अर्धशतकिय पारी खेल्दा कप्तान तथा विकेटकिपर रिशब पन्तले ३५ बल खेल्दै ५ चौका र १ छक्का प्रहार गर्दै ४४ रन जोडेर पेविलियन फर्किए ।
त्यस्तै, अभिषेक पोरेलले २२ बलमा ७ चौका र १ छक्का प्रहार गर्दै ४२ रन जोडेर आउट हुँदा इम्प्याक्ट प्लेयरका रुपमा मैदान छिरेका ओपनर ब्याट्सम्यान पृथ्वी सले ५ बल खेल्दै ४ चौका प्रहार गरेर १६ रन जोडेर पेविलियन फर्किए ।
यता, ट्रिस्टन स्टुब्सले ११ बलमा १० रन जोड्दै आउट हुँदा ललित यादव ७, अक्षर पटेल ६ र अर्का ओपनर डेभिड वार्नर १ रनमा पेविलियन फर्किए ।
दिल्लीका ३ ब्याटरले अंकको खाता नै खोल्न सकेन ।
दिल्लीले अतिरिक्त रुपमा ८ रन जोड्यो ।
दिल्लीमाथि जित निकाल्न थङ्गरसु नतराजनले ४ ओभर बलिङ गर्दै १ मेडनसहित १९ रन दिएर सर्वाधिक ४ विकेट लिँदा मयङ्क मार्कान्देले २ ओभर बलिङ गर्दै २६ रन जोड्दै २ विकेट लिए ।
त्यस्तै, नितिश कुमार रेड्डीले २.१ ओभर बलिङ गर्दै १७ रन दिएर २ विकेट लिँदा वासिङटन सुन्दर र भुवनेश्वर कुमारले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको हैदराबादले निर्धारित २० ओभरको खेलमा ७ विकेट गुमाउँदै २६६ रनको विशाल योगफल तयार गर्यो ।
हैदराबादका लागि ओपनर ब्याट्सम्यान ट्राभिस हेडले ३२ बलमा बिष्पोटक ब्याटिङ गर्दै ११ चौका र ६ छक्का प्रहार गर्दै ८९ रनको अर्धशतकिय पारी खेल्दा शाहबाज अहमेदले २९ बल खेल्दै २ चौका र ५ छक्का प्रहार गर्दै ५९ रनको अर्धशतकिय पारी खेल्दै अविजित रहे ।
त्यस्तै, अर्का ओपनर अभिषेक शर्माले १२ बलमा २ चौका र ६ छक्का प्रहार गर्दै ४६ रन जोड्दै आउट हुँदा नितिश कुमार रेड्डीले २७ बल खेल्दै २ चौका र २ छक्का प्रहार गर्दै ३७ रन जोड्दै पेविलियन फर्किए ।
यता, विकेटकिपर हेनरिच क्लासेनले ८ बलमा २ छक्का प्रहार गर्दै १५ रन जोडेर आउट हुँदा अब्दुल सामदले ८ बल खेल्दै १ चौका र १ छक्का प्रहार गर्दै पेविलियन फर्किए ।
कप्तान प्याट कमिन्स र अैदेन मार्कराम समान १–१ रनमा पेविलियन फर्किदा वासिङटन सुन्दर शुन्य रनमा अविजित रहे ।
हैदराबादले अतिरिक्त रुपमा ५ रन जोड्यो ।
दिल्लीका लागि कुलदिप यादवले ४ ओभर बलिङ गर्दै ५५ रन खर्चिएर ४ विकेट लिँदा मुकेश कुमार र अक्षर पटेलले समान १–१ विकेट लिए ।
लेखक
