एजेन्सी । आसन्न आईसीसी टि–२० विश्वकपको तयारी स्वरुप खेलिएको टि–२० सिरिजअन्तर्गत दोस्रो खेलमा दक्षिण अफ्रिकामाथि वेस्ट इन्डिजले जित निकालेको छ ।
सनिवार राति भएको सिरिजअन्तर्गत दोस्रो खेलमा दक्षिण अफ्रिकामाथि वेस्ट इनिडजले १६ रनको जित निकालेको हो ।
योसंगै ३ खेलको सिरिजमा २–० को अग्रता बनाउँदै वेस्ट इन्डिजले १ खेल अगावै सिरिज जितेको छ ।
जमैकाको किंगस्टनस्थित सबिना पार्क रंगशालामा भएको खेलमा २०८ रनको विशाल विजयी लक्ष्यका साथ जवाफी ब्याटिङमा उत्रिएको दक्षिण अफ्रिका निर्धारित २० ओभरको खेलमा ७ विकेट गुमाउँदै मात्र १९१ रनमा समेतियो ।
दक्षिण अफ्रिकाका लागि ओपनर ब्याट्सम्यान तथा विकेटकिपर क्विटन डि ककले १७ बलमा ४ चौका र ४ छक्का प्रहार गर्दै ४१ रन जोड्दा अर्का ओपनर रिजा हेन्डरिक्सले १८ बल खेल्नेक्रममा २ चौका र ३ छक्का प्रहार गर्दै ३४ रन जोडेर पेविलियन फर्किए ।
त्यस्तै, कप्तान रास्सेई भान डेर दुस्सानले २२ बलमा २ छक्का प्रहार गर्दै ३० रन जोडेर आउट हुँदा रियान रिकेल्टनले १७ बल खेल्दै २ चौका प्रहार गरेर १९ रन जोडेर पेविलियन फर्किए ।
यता, म्याथ्यु ब्रिटज्केले १६ बलमा १२ रन जोडेर आउट हुँदा एनक्वाबा पिटरले ७ बलमा १ चौका प्रहार गर्दै १० रन जोडेर अविजित रहे ।
आईमद फोर्टुन ९ रनमा अविजित रहँदा वियान मुल्डेर ९ र एन्डिल फेहलुकवायो ३ रनमा पेविलियन फर्किए ।
दक्षिण अफ्रिकाले अतिरिक्त रुपमा २४ रन जोड्यो ।
वेस्ट इन्डिजको जितमा गुडाकेश मोटेईले ३ विकेट लिँदा रोस्टन चेस, अकिल हुसेन र रोमारियो शेफर्डले समान १–१ विकेट लिए ।
त्यसअघि टस जितेर पहिला ब्याटिङमा उत्रिएको वेस्ट इन्डिजले निर्धारित २० ओभरको खेलमा ७ विकेट गुमाउँदै २०७ रन जोड्यो ।
वेस्ट इन्डिजका लागि रोस्टन चेसले ३८ बलमा ७ चौका र २ छक्का प्रहार गर्दै सर्वाधिक ६७ रनको अर्धशतकिय पारी खेल्दै अविजित रहँदा ओपनर ब्याट्सम्यान तथा कप्तान ब्रान्डन किंगले २२ बल खेल्दै २ चौका र ३ छक्का प्रहार गरेर ३६ रन जोडे ।
त्यस्तै, केल मायर्सले १६ बलमा २ चौका र ३ छक्का प्रहार गर्दै ३२ रन जोडेर आउट हुँदा विकेटकिपर एन्ड्रे फ्लेट्चेरले १८ बल खेल्नेक्रममा १ चौका र २ छक्का प्रहार गर्दै २९ रन जोडेर पेविलियन फर्किए ।
यता, रोमेरो शेफर्डले १३ बलमा १ चौका र ३ छक्का प्रहार गर्दै २६ रन जोडेर आउट हुँदा अर्का ओपनर जोनसन चार्लिस ७ रनमा पेविलियन फर्किए ।
वेस्ट इन्डिजका अन्य २ खेलाडी शुन्य रनमा पेविलियन फर्किदा गुडाकेश मोटेई २ रनमा अविजित रहे ।
वेस्ट इन्डिजले अतिरिक्त रुपमा ८ रन जोड्यो ।
दक्षिण अफ्रिकाका लागि लुङगी एनगिडी, एनक्वाबा पिटर र एन्डिल फेहलुकवायोले समान २–२ विकेट लिँदा आईमद फोर्टुनले १ विकेट लिए ।
लेखक
