एजेन्सी । अफगानिस्तानले दक्षिण अफ्रिकाविरुद्वको एकदिवसिय अन्तर्राष्ट्रिय (ओडिआई) सिरिज एक खेलअगावै जितेको छ ।
शुक्रवार भएको खेलमा तुलनात्मक रुपमा बलियो टोली अफगानिस्तानमाथि १७७ रनको फराकिलो जित निकालेसंगै अफगानिस्तानले सिरिज एक खेल अगावै जितेको हो ।
त्यसअघि पनि सिरिजअन्तर्गत पहिलो खेलमा अफगानिस्तानले दक्षिण अफ्रिकालाई ६ विकेटले पराजित गरेको थियो ।
योसंगै तीन खेलको ओडिआई सिरिजमा अफगानिस्तानले २–० को अग्रता लिएको छ ।
युएईको सारजाहस्थित सारजाह क्रिकेट रंगशालामा भएको खेलमा ३१२ रनको विशाल विजयी लक्ष्य पछ्याएको दक्षिण अफ्रिका ३४.२ ओभरमा अलआउट हुन पुग्दा मात्र १३४ रनमा समेतियो ।
दक्षिण अफ्रिकाका लागि ओपनर ब्याट्सम्यान तथा कप्तान टेम्बा बभुमाले ४७ बलमा ४ चौका र १ छक्का प्रहार गर्दै ३८ रन जोड्दा अर्का ओपनर टोनी डि जोर्जीले ४४ बल खेल्दै १ चौका र २ छक्का प्रहार गर्दै ३१ रन जोडेर पेविलियन फर्किए ।
त्यस्तै, एडेन मार्करामले ३० बलमा १ चौका प्रहार गर्दै २१ रन जोडेर आउट हुँदा रिजा हेनड्रिक्सले ३४ बलको सामना गर्दा १ चौका मद्दतमा १७ रन जोडेर पेविलियन फर्कियो ।
यता, ट्रिस्टन स्टुब्स र एनक्वाबा पिटर समान ५–५, लुङ्गी एनगिडी ३, विकेटकिपर केयल भिरेन्ने र वियान मुल्डर २–२ रनमा आउट हुँदा बिजोर्न फोर्चुन शुन्य रनमा पेविलियन फर्किए ।
नान्ड्रे बर्गर भने १ रनमा अविजित रहे ।
दक्षिण अफ्रिकाले अतिरिक्त रुपमा ९ रन जोड्यो ।
बलियो अफ्रिकामाथि ऐतिहासिक फराकिलो जित निकाल्न अफगानिस्तानका लागि राशिद खानले ९ ओभर बलिङ गर्दै १ मेडनसहित १९ रन दिएर सर्वाधिक ५ विकेट लिए ।
त्यस्तै, नान्गेयालिया खरोतेले ६.२ ओभर बलिङ गर्दै २६ रन दिएर ४ विकेट लिँदा अजमतुल्लाह ओमारजायीले ३ ओभर बलिङ गर्दै १७ रन दिएर १ विकेट लिए ।
त्यसअघि टस जितेर पहिला ब्याटिङमा उत्रिएको अफगानिस्तानले निर्धारित ५० ओभरको खेलमा ४ विकेट गुमाउँदै ३११ रन जोड्यो ।
अफगानिस्तानका लागि ओपनर ब्याट्सम्यान रहमानुल्लाह गुरबाजले ११० बलमा १० चौका र ३ छक्का प्रहार गर्दै सर्वाधिक १०५ रनको शतकिय पारी खेल्दा अजमतुल्लाह ओमारजायीले ५० बल खेल्नेक्रममा ५ चौका र ६ छक्का प्रहार गर्दै ८६ रनको अर्धशतकिय पारी खेल्दै अविजित रहे ।
त्यस्तै, रहमत शाहले ६६ बलमा २ चौका प्रहार गर्दै ५० रनको अर्धशतकिय पारी खेल्दा अर्का ओपनर रियाज हस्सनले ४५ बल खेल्दै १ चौका र १ छक्का प्रहार गरेर २९ रन जोडेर पेविलियन फर्किए ।
यता, मोहम्मद नाबीले १९ बलमा १ चौका प्रहार गर्दै १३ रन जोडेर पेविलियन फर्किदा राशिद खान ६ रनमा अविजित रहे ।
अफगानिस्तानले अतिरिक्त रुपमा २२ रन जोड्यो ।
दक्षिण अफ्रिकाका लागि लुङ्गी एनगिडी, नान्ड्रे बर्गर, एनक्वाबा पिटर र एडेन मार्करामले समान १–१ विकेट लिए ।
लेखक
