भक्तपुर । एएसबीसी यु–२२ पुरुष तथा महिला बक्सिङ च्याम्पियनसिपमा सहभागी हुने ६ खेलाडीसहित १२ सदस्यीय नेपाली टोलीलाई विदाई गरिएको छ ।
आउँदो जनवरी १६ देखि २७ तारिखसम्म थाइल्यान्डको राजधानी बैंककमा हुने प्रतियोगितामा सहभागी हुने टोलीलाई राष्ट्रिय खेलकुद परिषद (राखेप) का अध्यक्ष टंक लाल घिसिङले एक कार्यक्रमका विच विदाई गरिएको हो ।
पुरुष ४६–४८ केजीमा लालप्रसाद उप्रेती, ५४–५७ केजीमा इन्द्रबहादुर सुनार र ८०–८६ केजीमा विजय बाटा तथा महिला ४५–४८ केजीमा सुष्मा तामाङ, ५४–५७ केजीमा हेमा राई र ७०–७५ केजीमा त्रिशा जवेगुले नेपालबाट प्रतिस्पर्धा गर्दैछ ।
टोलीको प्रशिक्षकमा दीपक महर्जन र सन्दिप श्रेष्ठ तथा व्यवस्थापकमा नेपाल बक्सिङ संघका सदस्य ओमनारायण श्रेष्ठ छन् ।
प्रतियोगिता दौरान हुने इन्टरनेसनल टेक्निकल अफिसर कोर्षमा पुष्करराज पन्त तथा आइबा २ स्टार रेफ्री जज कोर्षम रामचन्द्र थापा मगर र धनकुमार मैनाली सहभागी हुने हुनेछ ।
लेखक
