भक्तपर । आईसीसी विश्वकप लिग २ अन्तर्गतको त्रिदेशीय श्रृंखलामा बिहीबार नेपालले चौथो तथा अन्तिम खेल खेल्दैछ ।
नामिबियामा नेपालले स्कटल्याण्डको सामना गर्न लागेको हो । नेपाल र स्कटल्याण्ड बीचको खेल युनाइटेड क्रिकेट मैदानमा नेपाली समयअनुसार दिउँसो पौने २ बजे सुरु हुनेछ ।
श्रृंखलामा अहिलेसम्म नेपाल जित विहिन छ । नेपालसंगै नामिबिया र स्कटल्याण्ड सहभागी त्रिदेशीय श्रृंखलामा नेपाल नामिवियासंगको पहिलो खेलमा बराबरी भएको थियो । बर्षाले खेल बिथोलेपछि दुबै टोलीलाई एक–एक अंक दिएको थियो ।
त्यस्तै, दोस्रो खेलमा नेपाल स्कटल्याण्डसंग ३ विकेटले र तेस्रो खेलमा नामिबियासंग८६ रनले पराजित भएको थियो ।
लिग २ मा नेपालले २३ खेल खेल्दा मात्र १८ अंक जोडेको छ । नेपाल तालिकाको छैटौं स्थानमा रहेको छ ।
लिग २ को शीर्ष तीन टिम आईसीसी विश्वकपमा सिधै छनोट हुनेछ । बाँकी चार टिमले प्लेअफ खेल्नुपर्नेछ ।
लेखक
