एजेन्सी । बुरुसिया डर्टमण्डले जर्मन बुडेसलिगाअन्तर्गत खेलमा ड्रामस्टाड्ट ९८ माथि सहज जित निकालेको छ ।
सनिवार राति भएको खेलमा बुरुसिया डर्टमण्डले कमजोर प्रतिद्वन्दी ड्रामस्टाड्ट ९८ माथि ३–० को सहज जित निकालेको हो ।
ड्रामस्टाड्ट ९८ को घरेलु मैदान मेर्क स्टाडिअन एम बोलेनफाल्टर रंगशालामा भएको खेलमा भ्रमणकारी टोली डर्टमण्डको जितमा जुलियान ब्रान्ड्ट, मार्को रेउस र युस्सुफा मौकोकोले गोल गरे ।
खेलको २४ औं मिनेटमा जुलियानले गोल गर्दै भ्रमणकारी टोलीले सुरुवाती अग्रता दिलाए ।
त्यसपछि दोस्रो हाफको ७७ औं मिनेटमा जोडन सान्चोको पासमा मार्कोले गोल थप्दा डर्टमण्ड २–० ले अघि बढ्यो ।
यता, खेलको अन्त्यतिर इन्जुरी समयको दोस्रो मिनेटमा मार्केल सबिस्टारको पासमा युस्सुफाले गोल थप्दा डर्टमण्ड ३–० ले विजयी भयो ।
सहज जितसंगै डर्टमण्डले १७ खेलमा ३० अंक जोड्दै लिग तालिकाको पाँचौं स्थानमा रह्यने ।
पराजित ड्रामस्टाड्ट ९८ ले भने समान १७ खेलमा १० अंकसहित तालिकाको पुच्छारमा रहेको छ ।
लेखक
