एजेन्सी । यूईएफए च्याम्पियन्स लिगअन्तर्गत अन्तिम १६ को पहिलो लेग खेलमा इंग्लिस क्लब चेल्सी जर्मन क्लब बुरुसिया डर्टमण्डसंग पराजित भएको छ ।
बुधवार राति भएको खेलमा चेल्सी डर्टमण्डसंग १–० ले पराजित भएको हो ।
जर्मन क्लबको घरेलु मैदान सिग्नल इड्युना पार्क रंगशालामा पहिलो हाफ गोलरहित बराबरीमा सकिएको थियो ।
दोस्रो हाफको ६३ औं मिनेटमा करिम अड्यामीको गोलमार्फत घरेलु टोलीले खेलमा अग्रता लिएको थियो । त्यसपछि खेलमा थप गोल नभएपछि डर्टमण्डले खेल १–० ले जितेको हो ।
दोस्रो लेग खेल चेल्सीको मैदान स्टामफोर्ड ब्रिजमा हुनेछ ।
यता, गयराति नै भएको अर्को खेलमा बेन्फिकाले घरेलु टोली क्लब ब्रुगलाई २–० ले पराजित गरेको छ ।
बेन्फिकाको जितमा जाओ मारियो र डेभिड नेरेसले गोल गरेका थिए ।
लेखक
