एजेन्सी । युनाइटेड अरब इमिरेट्स (युएई) माथि ट्राइब्रेकरमा जित हासिल गर्दै ताजकिस्तन एसियाली फुटबलको शीर्ष प्रतियोगिता एएफसी एसियन कपको क्वाटरफाइनलमा प्रवेश गरेको छ ।
आईतवार राति भएको खेलमा युएईमाथि ट्राइब्रेकरमा ५–३ को जित हासिल गर्दै ताजकिस्तान एएफसी एसियन कपको क्वाटरफाइनलमा प्रवेश गरेको हो ।
कतारस्थित अहमद बिन अली रंगशालामा भएको खेलमा निर्धारित ९० मिनेटको खेल १–१ को बराबरीमा सकिएपछि थप अतिरिक्त ३० मिनेट लम्बिएको थियो ।
अतिरिक्त समयमा पनि गोल नभउपछि खेलको निर्णय पेनाल्टी सुटआउटबाट भयो ।
ताजकिस्तानको जितमा अख्टम नाजारोभ, भाख्दाट खानोनोभ, इच्सन पानशानबे, रुस्तम सोइरोभ र अलीशेर शुकुरोभले पेनाल्टीमा गोल गगरे ।
उता, युएईका लागि भने अब्दुल्ला इद्रिस, फाबियो लिमा र अली सालेहले गोल पेनाल्टीमा गोल गर्दा काइयो कानेगोको प्रहार गोलमा परिणत भएन ।
त्यसअघि खेलको ३० औं मिनेटमा भख्दट खानोनोभको गोलमार्फत् ताजकिस्तानले सुरुवाती अग्रता लियो ।
तर, खेलको अन्त्यतिर निर्धारित ९० मिनेटपछि थपिएको इन्जुरी समयको पाँचौं मिनेटमा युएईका लागि खालिफा अल हाम्मदीले सनसनी गोल फर्काउँदै खेललाई १–१ को बराबरीमा ल्याए ।
ट्राइब्रकरमा हारसंगै युएई भने प्रतियोगिताबाट बाहिरिएको छ ।
लेखक
