एजेन्सी । इटालियन महारथी युभेन्टसले तुलनात्मक रुपमा कमजोर प्रतिद्वन्दी टोरिनोमाथि जित हात पारेसंगै इटालियन सिरी एको २४ औं चरणका खेलहरु सम्पन्न भएका छन् ।
मंगलवार राति भएको सिरी एअन्तर्गत अन्तिम खेलमा युभेन्टसले टोरिनोमाथि ४–२ को जित निकालेको हो ।
टोरिनोको घरेलु मैदान एलियान्ज रंगशालामा भएको खेलमा भ्रमणकारी टोली युभेन्टसले पुनरागमन जित हात पारेको हो ।
घरेलु टोलका लागि खेल सुरु भएको दोस्रो मिनेटमै यान कारामोहले गोल गर्दै सुरुवाती अग्रता दिलाएका थिए ।
त्यसपछि १६ औं मिनेटमा जुवान क्वाद्रादोको गोलमार्फत युभेन्टस १–१ गोलको बराबरीमा फर्कियो ।
घरेलु टोलीले पुनः ४३ औं मिनेटमा एन्टोनियो सानाब्रियाको गोलमार्फत खेलमा २–१ को अग्रता लियो । त्यसको ३ मिनेटमै युभेन्टसका दयानिलोले गोल फर्काउँदा पहिलो हाफसम्म खेल २–२ को बराबरीमा टुंगियो ।
म्यानचेस्टर युनाइटेडका पूर्व खेलाडी पाउल पोग्वाले दोसो हाफको ६९ औं मिनेटमा परिर्वतित खेलाडीका रुपमा मैदान प्रवेश गर्दा सिजनको पहिलो लिग खेलमा सहभागिता जनायो ।
७१ औं मिनेटमा ब्रमेरले गोल गर्दा युभेन्टसले खेलमा ३–२ को अग्रता लियो । त्यसपछि ८० औं मिनेटमा एड्रियन राबियोटले गोल गर्दा खेल ४–२ ले युभेन्टसले जित्यो ।
जितसंगै महत्वपूर्ण ३ अंक जोडेको युभेन्टसले सिरी एमा २४ खेलमा ३५ अंक जोड्दै तालिकाको सातौं स्थानमा रहेको छ ।
पराजित टोरिनो समान खेलमा ३५ अंकका साथ ९ औं स्थानमा रह्यो ।
२४ औं चरण सकिँदासम्म ६५ अंकका साथ नापोली शीर्ष स्थानमा रहँदा दोस्रो र तेस्रो स्थानको इन्टर मिलान र एसी मिलानको समान ४७ अंक छ ।
लाजिओ ४५ अंक सहित चौथौं स्थानमा उक्दिा रोमा भने ४४ अंकका साथ पाँचौं स्थानमा झरेको छ ।
लेखक
