एजेन्सी । इंग्लिस प्रिमियर लिगअन्तर्गत विहिवार राति भएको खेलमा म्यानचेस्टर सिटीले टोटनहममाथि पुनरागमन जित हात पारेको छ ।
इतिहाद रंगशालामा पहिलो हाफ सिटी २–० ले पछि परेको थियो । स्पर्सका रुपमा समेत चिनिने टोटनहमका लागि डिजान कुलुसेभ्स्कीले ४४ औं मिनेटमा गोल गर्दै सुरुवाती अग्रता दिलाएका थिए ।
लगत्तै पहिलो हाफको अतिरिक्त दोस्रो मिनेटमा इमर्सन रोयलले गोल गर्दा स्पर्स २–० ले अघि बढेको थियो ।
दुई गोलले पछि रहेको सिटी दोस्रो हाफमा अक्रमक रुपमा प्रस्तुत भयो । खेलको ५१ औं मिनेटमा जुलियान अभारेजले गोल गर्दै सिटी खेलमा फर्कने संकेट गर्यो ।
त्यसको दुई मिनेट पछि नै इर्लिङ हलान्डले गोल गर्दा खेल २–२ को बराबरीमा आयो । त्यसपछि ६३ औं मिनेटमा रियाद महारेजले गोल गर्दा घरेलु टोलीले खेलमा ३–२ को अग्रता बनायो ।
९० औं मिनेटमा महारेजले व्यक्तिगत रुपमा दोस्रो गोल गर्दा खेल सिटीले पुनरागमन रुपमा ४–२ ले जित्यो ।
जितसंगै साविक विजेता सिटीको १९ खेलमा ४२ अंक भएको छ । सिटी तालिकाको दोस्रो स्थानमा छ ।
उता पराजित स्पर्सको २० खेलमा ३३ अंक छ । स्पर्स तालिकाको पाँचौ स्थानमा छ ।
लेखक
