एजेन्सी । लेस्टर सिटीले इंग्लिस प्रिमियर लिगमा टोटनहम हटस्परमाथि फराकिलो जित हात पारेको छ ।
सनिवार राति भएको खेलमा घरेलु टोली लेस्टर सिटीले टोटनहम हटस्परमाथि ४–१ को फराकिलो जित हात पारेको हो ।
किंग पावर रंगशालामा भएको खेलमा लेस्टरका लागि नामप्लेज मेन्डे, जेम्स म्याडिसन, केलेची इह्यानाचो र हाभ्रे बार्नेसले गोल गर्दा टोटनहमका लागि रोड्रिगो बेनटेङकरले एक गोल गरे ।
खेलको १४ औं मिनेटमा भ्रमणकारी टोलीले बेनटेङकरको गोलमार्फत सुरुवाती अग्रता लिएको थियो । तर, घरेलु टोलीले मन्डेको गोलमार्फत खेलको २३ औं मिनेटमा बराबरी गोल फर्कायो ।
त्यसपछि २५ औं मिनेटमा म्याडिसनले गोल गर्दा लेस्टर २–१ ले अघि बढ्यो । यता, पहिलो हाफको अतिरिक्त चौथौं मिनेटमा इह्यानाचले गोल थप्दा द्धरेलु टोली ३–१ ले अघि बढ्यो ।
दोस्रो हाफको ८१ औं मिनेटमा बार्नेसले गोल गर्दा खेल घरेलु टोलीले ४–१ को फराकिलो अन्तरमा जित्यो । त्यसअघि बार्नेसले ७१ औं मिनेटमा गरेको गोल भिएआरले मान्यता दिएको थिएन ।
जितसंगै लेस्टरले २२ खेलमा २४ अंक जोड्दै लिग तालिकाको १३ औं स्थानमा उक्लिएको छ । यता, पराजित स्पर्सको भने २३ खेलमा ३९ अंक छ । स्पर्स तालिकाको पाँचौं स्थानमा रह्यो ।
यता, सनिवार नै भएको अन्य खेलमा क्रिस्टल प्यालेस र ब्राइटन १–१ को बराबरीमा रोकिँदा साउथह्याम्टन उल्भ्ससंग २–१ ले पराजित रह्यो ।
त्यस्तै लिग लिडर आर्सनल ब्रेन्टफोर्डसंग १–१ को बराबरीमा रोकिँदा फुलहमले नटिङघम फोरेस्टमाथि २–० को जित निकाल्यो । यता, बलियो चेल्सी पनि वेस्टहमसंग १–१ को बराबरीमा रोकियो ।
लेखक
