एजेन्सी । भारतले पहिलो टेस्ट क्रिकेटमा अष्ट्रेलियाविरुद्ध फराकिलो अग्रता लिएको छ ।
दोस्रो दिनको खेल सकिँदा भारतले ७ विकेट गुमाउँदै ३२१ रन बनाएको छ ।
भारतले दोस्रो दिनसम्म १४४ रनको अग्रता लिएको छ । भारतका लागि कप्तान रोहित शर्माले २१२ बल खेल्दै १५ चौका र २ छक्का प्रहार गर्दै १२० रनको शतकीय पारी खेले ।
त्यस्तै, भारतका लागि रविन्द्र जडेजाले १७० बलमा ९ चौका प्रहार गर्दै अविजित ६६ रन जोडे । यता, अक्षर पटेलले १०२ बल खेल्दै ८ चौकाको मद्दतमा अविजित ५२ जोडेका छन् ।
भारतका अन्य ब्याट्सम्यान रविचन्द्रन आश्विन २३, विराट कोहली १२, सूर्यकुमार यादव ८ र चेतेश्वर पुजारा ७ रनमा आउट भए ।
अष्ट्रेलियाका लागि टोड मुर्फीले सर्वाधिक ५ विकेट लिँदा नाथन लायन र प्याट कमिन्सले १–१ विकेट विकेट लिए ।
आइसिसी विश्व टेस्ट च्याम्पियनसिप २०२३ को फाइनल खेल्न भारतलाई टेस्ट सुरिज जित्नैपर्ने दवाव छ ।
लेखक
