भक्तपुर । कतारमा जारी फिफा विश्वकपअन्तर्गत समूह ‘डी’ मा रहेको फ्रान्स ट्युनिसियासंग पराजित भएको छ ।
बुधवार राति भएको खेलमा साविक विजेता फ्रान्स उत्तर अफ्रिकी राष्ट्र ट्युनिसियासंग १–० ले पराजित भएको हो ।
इड्युकेशन सिटी रंगशालामा खेलको ५८ औं मिनेटमा वाह्बी खाज्रीको निर्णायक गोलमार्फत ट्युनिसियाले एतिहासिक जित प्राप्त गर्यो ।
यसअघि नै दोस्रो चरण पक्का गरिसकेको फ्रान्सले ट्युनिसियाविरुद्व दोस्रो रोजाइको टिम उतारेको थियो ।
१–० ले पछि परिसकेपछि केलिएन एम्बाप्पे, एड्रियन राबियोट, एन्टोनी ग्रिजमन र ओसमाने डेम्बेलेलाई मैदान उतारेता पनि उपाधि रक्षा गर्ने अभियानमा रहेको फ्रान्सेली टोली खेलमा फर्कन सकेन ।
तर, हारका बावजुद पनि डिडियर डेसच्याम्पको नेतृत्वमा रहेको फ्रान्सेली टोलीलाई असर भने गरेन । यसअघिको दुई खेलमा जित हात पार्दा फ्रान्सले ६ अंक जोडेको थियो ।
सोहि नतिजाका आधारमा फ्रान्स समूह विजेतासमेत रह्यो । फ्रान्समाथिको एतिहासिक जित हात पारेको ट्युनिसियाले भने प्रतियोगितामा सुखद अन्त्य गर्यो ।
लेखक
