एजेन्सी । भारतले श्रीलंकामाथि टि–२० सिरिजको पहिलो खेलमा सहज जित निकालेको छ ।
सनिवार राति भएको खेलमा भारतले श्रीलंकामाथि ४३ रनको सहज जित निकालेको हो ।
योसंगै ३ खेलको सिरिजमा भारतले १–० को अग्रता लिएको छ ।
श्रीलंकाको पल्लेकेले अन्तर्राष्ट्रिय क्रिकेट रंगशालामा भएको खेलमा २१४ रनको विशाल विजयी लक्ष्यका साथ जवाफी ब्याटिङमा उत्रिएको घरेलु टोली १९.२ ओभरमा अलआउट हुँदा मात्र १७० रनमा समेतियो ।
श्रीलंकाका लागि ओपनर ब्याट्सम्यान पाथुम निसांकाले ४८ बलमा ७ चौका र ४ छक्का प्रहार गर्दै ७९ रनको अर्धशतकिय पारी खेल्दा अर्का ओपनर तथा विकेटकिपर कुशल मेन्डिसले २७ बलमा ७ चौका र १ छक्का प्रहार गर्दै ४५ रन जोडेर पेविलियन फर्किए ।
त्यस्तै, कुशल पेरेराले १४ बलमा ३ चौका प्रहार गर्दै २० रन जोडेर आउट हुँदा कामिन्दु मेन्डिसले ८ बल खेल्नेक्रममा २ चौका प्रहार गर्दै १२ रन जोडेर पेविलियन फर्किए ।
यता, माथिशा पाथीराणा ६, वानिन्दु हसारंगशा र महेश थिकसाना २–२ रनमा पेविलियन फर्किए ।
श्रीलंकाका अन्य कुनैपनि ब्याटरले अंकको खाता नै खोल्न सकेनन् ।
श्रीलंकाले अतिरिक्त रुपमा ४ रन जोड्यो ।
घरेलु टोलीलाई सस्तैमा अलआउट गर्दै जित हासिल गर्न भारतका लागि रियान परागले ३, अर्शदिप सिंह र अक्षर पटेलले २–२ तथा मोहम्मद सिराज र रबि बिस्नोईले १–१ विकेट लिए ।
त्यसअघि टस हारेर पहिला ब्याटिङमा उत्रिएको भारतले निर्धारित २० ओभरको खेलमा ७ विकेट गुमाउँदै २१३ रनको विशाल योगफल तयार पार्यो ।
भारतका लागि कप्तान सुर्यकुमार यादवले २६ बलमा ८ चौका र २ छक्का प्रहार गर्दै ५८ रनको अर्धशतकिय पारी खेल्दा विकेटकिपर रिशभ पन्तले ३३ बल खेल्नेक्रममा ६ चौका र १ छक्का प्रहार गर्दै ४९ रन जोडेर पेविलियन फर्किए ।
त्यस्तै, ओपनर ब्याट्सम्यान यशस्वी जैसवालले २१ बलमा ५ चौका र २ छक्का प्रहार गर्दै ४० रन जोडेर आउट हुँदा अर्का ओपनर शुभमन गिलले १६ बल खेल्नेक्रममा ६ चौका र १ छक्का प्रहार गर्दै ३४ रन जोडेर पेविलियन फर्किए ।
यता, अक्षर पटेलले ५ बलमा १ छक्का प्रहार गर्दै १० रन जोडेर अविजित रहँदा हार्दिक पाण्डेया ९, रियान पराग ७, रिंकु सिंह १ रनमा पेविलियन फर्किए ।
अर्शदिप सिंह भने १ रनमा अविजित रहे ।
भारतले अतिरिक्त रुपमा ४ रन जोड्यो ।
श्रीलंकाका लागि माथिशा पाथीराणाले सर्वाधिक ४ विकेट लिँदा दिलशान मधुशंका, अशिथा फेर्नान्डो र वानिन्दु हसरंगाले समान १–१ विकेट लिए ।
लेखक
