एजेन्सी । अफगानिस्तानविरुद्वको तीन खेलको टि–२० सिरिजअन्तर्गत पहिलो खेलमा श्रीलंकाले रोमाञ्चक जित हासिल गरेको छ ।
सनिवार राति भएको सिरिजअन्तर्गत पहिलो खेलमा श्रीलंकाले अफगानिस्तानमाथि रोमाञ्चक ४ रनको जित हासिल गरेको हो ।
योसंगै श्रीलंकाले सिरिजमा १–० को अग्रता लिएको छ ।
श्रीलंकास्थित रनगिरी दुमबुल्ला अन्तर्राष्ट्रिय क्रिकेट रंगशालामा भएको खेलमा १६१ रनको विजयी लक्ष्यका साथ जवाफी ब्याटिङमा उत्रिएको अफगानिस्तान निर्धारित २० ओभरको खेलमा ९ विकेट गुमाउँदै १५६ रनमा समेतियो ।
भ्रमणकारी टोली अफगानिस्तानका लागि कप्तान इब्राहिम जदरानले ५५ बलमा ८ चौका प्रहार गर्दै ६७ रनको अर्धशतकिय पारी खेल्दै अविजित रहँदा करिम जनतले १६ बल खेल्दै २ चौका प्रहार गरेर २० रन जोडेर पेविलियन फर्किए ।
त्यस्तै, तेस्रो नम्बरमा ब्याटिङ गर्न आएका गुल्बदिन नाइबले १७ बलमा २ चौका प्रहार गर्दै १६ रन जोडेर आउट हुँदा विकेटकिपर रहमानुल्लाह गुरबाजले ६ बलमा १ चौका र १ छक्का प्रहार गर्दै १३ रन जोडेर पेविलियन फर्किए ।
यता, मोहम्मद नाबी र नुर अहमद समान ९–९, क्वाइस अहमद ७, अज्मुतुल्लाह ओमारजायी २ र नविन उल हक १ रन जोडेर पेविलियन फर्किए ।
अफगानिस्तानका अन्य ब्याटरले रन जोड्न सकेनन् ।
अफगानिस्तानले अतिरिक्त रुपमा १२ रन जोड्यो ।
भ्रमणकारी टोलीमाथि जित हासिल गर्न घरेलु टोलीका लागि माथिशा पाथीराणाले ४ ओभर बलिङ गर्दै २४ रन दिएर सर्वाधिक ४ विकेट लिँदा दासुन शानाकाले २ ओभर बलिङ गर्दै १७ रन दिएर २ विकेट लिए ।
त्यस्तै, कप्तान वानिन्दु हसरंगा, अंगेलो म्याथ्युज र महेश थिकशानाले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको श्रीलंकाले १९ ओभर खेल्नेक्रममा अलआउट हुँदै १६० रन जोड्यो ।
श्रीलंकाका लागि वानिन्दु हसरंगाले ३२ बलमा ७ चौका र ३ छक्का प्रहार गर्दै ६७ रनको अर्धशतकिय पारी खेल्दा सदिरा समराविक्रमाले २४ बल खेल्नेक्रममा ३ चौका प्रहार गरेर २५ रन जोड्दै पेविलियन फर्किए ।
त्यस्तै, धनन्जय दि सिल्भाले १७ बलमा २ चौका र १ छक्का प्रहार गर्दै २४ रन जोडेर आउट हुँदा विकेटकिपर कुशल मेन्दिसले ८ बलमा १ छक्का प्रहार गर्दै १० रन जोडेर पेविलियन फर्किए ।
यता, पाथुम निस्सङ्का, अंगलो म्याथ्युस र दासुन शनाकाले समान ६–६ रन जोडेर आउट हुँदा चरिथ असलंका ३, महेश थिकशाना २ रन जोडेर पेविलियन फर्किए ।
मथिशा पाथीराणा ५ रनमा अविजित रहँदा बिनुरा फेर्नान्डो शुन्य रनमा पेविलियन फर्किए ।
श्रीलंकाले अतिरिक्त रुपमा १२ रन जोड्यो ।
श्रीलंकालाई अलआउट गर्न अफगानिस्तानका लागि फजलहक फारोक्वीले ४ ओभर बलिङ गर्नेक्रममा २५ रन दिएर ३ विकेट लिँदा नविन अल हकले ३ ओभर बलिङ गर्दै २५ रन दिएर २ विकेट लिए ।
त्यस्तै, अज्मुतुल्लाह ओमारजायीले ४ ओभर बलिण् गर्दै ३० रन खर्चिएर २ विकेट लिँदा नुर अहमद र करिम जनतले समान १–१ विकेट लिए ।
सिरिजअन्तर्गत दोस्रो खेल सोमवार राति हुनेछ ।
लेखक
