भक्तपुर । काठमाडौंमा जारी टि–२० अन्तर्राष्ट्रिय त्रिदेशिय सिरिजअन्तर्गत खेलमा नेपालले नेडरल्याण्ड्समाथि सहज जित निकालेको छ ।
सनिवार भएको खेलमा नेपालले बलियो नेडरल्याण्ड्समाथि ६ विकेटको सहज जित निकालेको हो ।
नेपालले सिरिजमा ४ खेल खेलिसक्दा २ मा जित र २ मा हारको नतिजा आत्मसाथ गर्दै ४ अंक जोड्दै तालिकाको दोस्रो स्थानमा उक्लियो ।
योसंगै नेपालले फाइनल प्रवेश गर्ने सम्भावना पनि कायमै राखेको छ ।
यता, नेडरल्याण्ड्सले भने सिरिजमा ३ खेल खेलिसक्दा २ मा जित र १ मा हारको नतिजा निकाल्दै ४ अंकका साथ अंक तालिकाको शीर्ष स्थानमा कायमै रहेको छ ।
क्रितिपुरस्थित टियु क्रिकेट मैदानमा भएको खेलमा १२१ रनको सामान्य विजयी लक्ष्यका साथ जवाफी ब्याटिङमा उत्रिएको नेपालले १५.२ ओभरमा ४ विकेट गुमाउँदै पूरा गर्यो ।
नेपालका लागि कप्तान रोहित पौडेलले ३४ बलमा ३ चौका र १ छक्का प्रहार गर्दै सर्वाधिक ४६ रन जोड्दै आउट हुँदा गुलशन झाले ३६ बलमा २ चौका र १ छक्का प्रहार गर्दै ३८ रन जोडेर पेविलियन फर्किए ।
त्यस्तै, ओपनर ब्याट्सम्यान कुशल मल्लले ८ बल खेल्दै १ चौका र १ छक्का प्रहार गर्दै १२ रन जोडेर आउट हुँदा विकेटकिपर आसिफ शेखले ८ बलमा १ चौका प्रहार गर्दै ८ रन जोड्दै पेविलियन फर्किए ।
यता, दिपेन्द्र सिंह ऐरी ४ र कुशल मल्ल २ रनमा अविजित रहे ।
नेपालले अतिरिक्त रुपमा ११ रन जोड्यो ।
नेडरल्याण्ड्सका लागि भिभियान किंगमाले ४ ओभर बलिङ गर्दै १७ रन दिएर ३ विकेट लिँदा आर्यान दत्तले ४ ओभर बलिङ गर्दै २५ रन खर्चिएर १ विकेट लिए ।
त्यसअघि टस जितेर पहिला ब्याटिङमा उत्रिएको भ्रमणकारी टोली नेडरल्याण्ड्सले १ि९.३ ओभरको खेलमा अलआउट हुँदै १२० रन जोड्यो ।
नेडरल्याण्ड्सका लागि ओपनर ब्याट्सम्यान ओडोडले २४ बलमा ४ चौका र १ छक्का प्रहार गर्दै ३१ रन जोड्दा टिम भान देर गगटेनले २६ बल खेल्नेक्रममा २ चौका प्रहार गरेर २४ रन जोड्दै पेविलियन फर्किए ।
त्यस्तै, कप्तान तथा विकेटकिपर स्कट इडवार्ड्सले २१ बलमा १ छक्का प्रहार गर्दै १८ रन जोड्दै आउट हुँदा रोयल्फ भान देर मेर्वेले १४ बल खेल्नेक्रममा १ चौका र १ छक्का प्रहार गर्दै २३ रन जोड्दै अविजित रहे ।
यता, तेजा निदामनुरु ५, अर्का ओपनर माइकल लेभिट र भिभियान किंगमाले समान ४–४, न्वाह क्रुस ३ रनमा आउट हुँदा स्याब्रान्ड इंगलब्रेच्ट, आर्यान दत्त र केयल क्लिन शुन्य रनमा पेविलियन फर्किए ।
डच टोलीले अतिरिक्त रुपमा ८ रन जोड्यो ।
बलियो डच टोलीलाई अलआउट गर्न नेपालका लागि प्रतिश जिसीले ४ ओभर बलिङ गर्नेक्रममा १ मेडन राख्दै १३ रन दिएर ३ विकेट लिँदा करण केसीले ३ ओभर बलिङ गर्दै १८ रन दिएर २ विकेट लिए ।
त्यस्तै, कुशल मल्लले ४ ओभर बलिङ गर्दै १८ रन दिएर २ विकेट लिँदा दिपेन्द्र सिंह ऐरीले २.३ ओभर बलिङ गर्दा १५ रन दिएर १ विकेट लिए ।
नेपालले अतिरिक्त २ विकेट रनआउटमार्फत् प्राप्त गर्यो ।
सिरजअन्तर्गत आईतवार नेडरल्याण्ड्सले नामिबियासंग खेल्नेछ ।
लेखक
