एजेन्सी । आसन्न आईसीसी टि–२० विश्वकपको तयारीका लागि खेलिएको टि–२० सिरिजअन्तर्गत पहिलो खेलमा दक्षिण अफ्रिकामाथि वेस्ट इन्डिजले जित हासिल गरेको छ ।
बुधवार राति भएको टि–२० सिरिजअन्तर्गत पहिलो खेलमा दक्षिण अफ्रिकामाथि वेस्ट इन्डिजले २८ रनको जित हासिल गरेको हो ।
योसंगै ३ खेलको सिरिजमा वेस्ट इन्डिजले १–० को अग्रता लिएको छ ।
जमैकाको किंगस्टनस्थित सविना पार्क रंगशालामा भएको खेलमा १७६ रनको विजयी लक्ष्य पछ्याएको दक्षिण अफ्रिका १९.५ ओभरमा अलआउट हुँदा मात्र १४७ रनमा समेतियो ।
दक्षिण अफ्रिकाका लागि ओपनर ब्याट्सम्यान रिजा हेन्डरिक्सले ५१ बलमा ६ चौका र ६ छक्का प्रहार गर्दै सर्वाधिक ८७ रनको अर्धशतकिय पारी खेल्दा म्याथ्यु ब्रिर्ट्ज्केले १३ बल खेलदै ४ चौका प्रहार गरेर १९ रन बनाउँदै पेविलियन फर्किए ।
त्यस्तै, कप्तान रास्सेई भान देर दुस्सानले १७ बलमा १ चौका प्रहार गर्दै १७ रन जोडेर आउट हुँदा लुङ्गी एनगिडी भने ५ रनमा अविजित रहे ।
यता, रियान रिकेलटन ६, अर्का ओपनर तथा विकेटकिपर क्विन्टन डि कक र एन्डिल फेह्लुक्वायो ४–४ रनमा आउट हुँदा अन्य ३ ब्याटर शुन्य रनमा पेविलियन फर्किए ।
दक्षिण अफ्रिकाले अतिरिक्त रुपमा ५ रन जोड्यो ।
दक्षिण अफ्रिकालाई सस्तैमा अलआउट गर्दै जित रच्न वेस्ट इन्डिजका लागि म्याथ्यु फोर्डे र गुडाकेश मोटैले समान ३–३ विकेट लिँदा ओबेड म्याक्कोएले २ तथा रोस्टन चेस र शामर जोसेफले १–१ विकेट लिए ।
त्यसअघि टस हारेर पहिला ब्याटिङमा उत्रिएको वेस्ट इन्डिजले निर्धारित २० ओभरको खेलमा ८ विकेट गुमाउँदै १७५ रन जोड्यो ।
वेस्ट इन्डिजका लागि ओपनर ब्याट्सम्यान तथा कप्तान ब्रान्डन किंगले ४५ बलमा ६ चौका र ६ छक्का प्रहार गर्दै ७९ रनको अर्धशतकिय पारी खेल्दा केल मायर्सले २५ बल खेल्दै १ चौका र ३ छक्का प्रहार गर्दै ३४ रन जोडेर पेविलियन फर्किए ।
त्यस्तै, रोस्टन चेसले ३० बलमा २ चौका र १ छक्का प्रहार गर्दै ३२ रन जोडेर अविजित रहँदा म्याथ्यु फोर्डे ५, अकिल हुसेन २, अर्का ओपनर जोनसन चार्लिस, विकेटकिपर एन्ड्रे फ्लेट्चर, फाबियान एलेन र गुडाकेश मोटै समान १–१ रनमा पेविलियन फर्किए ।
वेस्ट इन्डिजले अतिरिक्त रुपमा १९ रन जोड्यो ।
दक्षिण अफ्रिकाका लागि ओटनिल बार्टमान र एन्डिल फेह्लुक्वायोले समान ३–३ विकेट लिँदा जेराल्ड कोएट्जेले १ विकेट लिए ।
लेखक
