एजेन्सी । भारतले दक्षिण अफ्रिकाविरुद्वको टि–२० आई सिरिजमा दोस्रो जित निकालेको छ ।
बुधवार राति भएको सिरिजअन्तर्गत तेस्रो खेलमा भारतले दक्षिण अफ्रिकालाई ११ रनले पराजित गरेको हो ।
योसंगै भारतले ४ खेलको सिरिजमा २–१ को अग्रता लिएको छ ।
दक्षिण अफ्रिकाको गाउटेङस्थित सुपर स्पोर्ट पार्क क्रिकेठ स्टेडियममा भएको खेलमा २२० रनको विजयी लक्ष्य पछ्याएको घरेलु टोलीले निर्धारित २० ओभरको खेलमा ७ विकेट गुमाएर २०८ रनमा समेतियो ।
दक्षिण अफ्रिकाका लागि मार्को जेनसेनले १७ बलमा ४ चौका र ५ छक्का प्रहार गर्दै ५४ रनको अर्धशतकिय पारी खेल्दा विकेटकिपर हेनरिक क्लासेनले २२ बल खेल्दै १ चौका र ४ छक्का प्रहार गरेर ४१ रन जोड्दै पेविलियन फर्किए ।
त्यस्तै, कप्तान एडेन मार्करमले १८ बलमा २ छक्का प्रहार गर्दै २९ रन जोडेर आउट हुँदा ओपनर ब्याट्सम्यान रिजा हेनरिक्सले १३ बल खेल्नेक्रममा ४ चौका प्रहार गरेर २९ रन जोडेर पेविलियन फर्किए ।
यता, अर्का ओपनर रायन रिकेल्टनले १५ बलमा २ चौका र १ छक्का प्रहार गर्दै २० रन जोडेर आउट हुँदा डेविड मिल्लरले १८ बल खेल्नेक्रममा १ चौका र १ छक्का प्रहार गर्दै १८ रन जोडेर पेविलियन फर्किए ।
ट्रिस्टन स्टुब्सले १२ बलमा २ चौका प्रहार गर्दै १२ रन जोडेर आउट हुँदा एन्डिल सिमेलेन ५ र गेराल्र्ड कोएट्जे २ रनमा अविजित रहे ।
दक्षिण अफ्रिकाले अतिरिक्त रुपमा ६ रन जोड्यो ।
भारतका लागि अर्शदिप सिंहले ३ विकेट लिँदा वरुण चक्रवर्तीले २, हार्दिक पाण्डेया र अक्षर पटेलले १–१ विकेट लिए ।
त्यसअघि टस हारेर पहिला ब्याटिण्मा उत्रिएको भ्रमणकारी टोली भारतले निर्धारित २० ओभरको खेलमा ६ विकेट गुमाएर २१९ रनको विशाल योगफल तयार गर्यो ।
भारतका लागि तिलक बर्माले ५६ बलमा ८ चौका र ७ छक्का प्रहार गर्दै सर्वाधिक १०७ रनको शतकिय पारी खेल्दै अविजित रहँदा ओपनर ब्याट्सम्यान अभिषेक शर्माले २५ बल खेल्नेक्रममा ३ चौका र ५ छक्का प्रहार गर्दै ५० रनको अर्धशतकिय पारी खेले ।
त्यस्तै, हार्दिक पाण्डेयाले १६ बलमा ३ चौका प्रहार गर्दै १८ रन जोडेर आउट हुँदा रमनदिप सिंहले ६ बल खेल्नेक्रममा १ चौका र १ छक्का प्रहार गर्दै १५ रन जोडेर रनआउट भए ।
यता, रिंकु सिंह ८, कप्तान सुर्यकुमार यादव १ र अर्का ओपनर ब्याट्सम्यान तथा विकेटकिपर सन्जु सामसन शुन्य रनमा पेविलियन फर्किए ।
अक्षर पटेल भने १ रनमा अविजित रहे ।
भारतले अतिरिक्त रुपमा १९ रन जोड्यो ।
दक्षिण अफ्रिकाका लागि केशब महाराज र एन्डिल सिमेलेनले समान २–२ विकेट लिँदा मार्को जेनसेनले १ विकेट लिए ।
लेखक
