एजेन्सी । भारतले टि–२० अन्तर्राष्ट्रिय सिरिजअन्तर्गत तेस्रो खेलमा जिम्बावेमाथि जित निकालेको छ ।
बुधवार भएको सिरिजअन्तर्गत तेस्रो खेलमा भारतले जिम्बावेमाथि २३ रनको जित निकालेको हो ।
योसंगै पाँच खेलको टि–२० सिरिजमा भारतले २–१ को अग्रता लिएको छ ।
जिम्बावेको हरारेस्थित हरारे स्पोर्ट्स क्लबमा भएको खेलमा १८३ रनको विजयी लक्ष्यका साथ जवाफी ब्याटिङमा उत्रिएको घरेलु टोली निर्धारित २० ओभरको खेलमा ६ विकेट गुमाउँदै १५९ रनमा रोकियो ।
जिम्बावेका लागि डिअन मायर्सले ४९ बलमा ७ चौका र १ छक्का प्रहार गर्दै ६५ रनको अर्धशतकिय पारी खेल्दै अविजित रहँदा विकेटकिपर क्लिभ मडान्डेले २६ बल खेल्दै २ चौका र २ छक्का प्रहार गर्दै ३७ रन जोडेर पेविलियन फर्किए ।
त्यस्तै, वेलिङटन मासाकाड्जाले १० बल खेल्नेक्रममा १ चौका र १ छक्का प्रहार गर्दै १८ रन जोडेर अविजित रहँदा कप्तान सिकिन्डर राजाले १६ बलमा ३ चौका प्रहार गर्दै १५ रनमा पेविलियन फर्किए ।
यता, ओपनर ब्याट्सम्यान ताडिवानाशे मरुमानीले १० बलमा ३ चौका प्रहार गर्दै १३ रन जोड्दै आउट हुँदा ब्रियान बेन्नेटले ४ तथा अर्का ओपनर वेस्ले मधेभारे र जोनाथन क्यामबेल १–१ रन बनाएर आउट भए ।
जिम्बावेले अतिरिक्त रुपमा ५ रन जोड्यो ।
जिम्बावेमाथि जित निकाल्न भारतका लागि वाशिन्टन सुन्दरले ४ ओभर बलिङ गर्नेक्रममा १५ रन दिएर ३ विकेट लिँदा आभेस खानले ४ ओभर बलिङ गर्दै ३९ रन खर्चिएर २ विकेट लिए ।
त्यस्तै, खलिल अहमेदले ४ ओभर बलिङ गर्दै १५ रन दिएर १ विकेट लिए ।
त्यसअघि टस जितेर पहिला ब्याटिङमा उत्रिएको भारतले निर्धारित २० ओभरको खेलमा ४ विकेट गुमाउँदै १८२ रन जोड्यो ।
भारतका लागि कप्तान शुभमन गिलले ४९ बलमा ७ चौका र ३ छक्का प्रहार गर्दै ६६ रनको अर्धशतकिय पारी खेल्दा रुटुराज गाइकवादले २८ बल खेल्दै ४ चौका र ३ छक्का प्रहार गरेर ४९ रन जोड्दै पेविलियन फर्किए ।
त्यस्तै, ओपनर ब्याट्सम्यान यशस्वी जैसवालले २७ बलमा ४ चौका र २ छक्का प्रहार गर्दै ३६ रन जोडेर पेविलियन फर्किदा विकेटकिपर सन्जु सामसनले ७ बल खेल्नेक्रममा २ चौका प्रहार गर्दै १२ रन जोडेर अविजित रहे ।
यता, अभिषेक शर्माले ९ बलमा १ चौका मद्दतमा १० रन जोडेर पेविलियन फर्किदा रिंकु सिंह १ रनमा अविजित रहे ।
भारतले अतिरिक्त रुपमा ८ रन जोड्यो ।
जिम्बावेका लागि सिकन्डर राजाले ४ ओभर बलिङ गर्नेक्रममा २४ रन दिएर २ विकेट लिँदा ब्लेसिङ मुजाराबानीले ४ ओभर बलिङ गर्दै २५ रन दिएर २ विकेट लिए ।
लेखक
