भक्तपुर । नेपालले टि–२० आई सिरिजमा संयुक्त राज्य अमेरिकामाथि जित हासिल गरेको छ ।
शुक्रवार विहान भएको सिरिजअन्तर्गत पहिलो खेलमा नेपालले संयुक्त राज्य अमेरिकामाथि १७ रनको जित हासिल गरेको हो ।
महत्वपूर्ण जितसंगै ३ खेलको सिरिजमा नेपालले १–० को अग्रता लिएको छ ।
अमेरिकाको टेक्सासस्थ्ति ग्रान्ड प्रेरी क्रिकेट रंगशालामा भएको खेलमा १६५ रनको विजयी लक्ष्यका साथ जवाफी ब्याटिङमा उत्रिएको घरेलु टोली निर्धारित २० ओभरको खेलमा ७ विकेट गुमाएर १४७ रनमा समेतियो ।
अमेरिकाका लागि शयान जाहानगिरले३४ बलमा ६ चौका र २ छक्का प्रहार गर्दै ६० रनको अर्धशतकिय पारी खेल्दै अविजित रहँदा विकेटकिपर अन्ड्रेस गौसले २५ बल खेल्नेक्रममा २ चौका र २ छक्का प्रहार गर्दै ३० रन जोडेर पेविलियन फर्किए ।
त्यस्तै, मिलिन्ड कुमारले २६ बलमा १ चौका प्रहार गर्दै २२ रन जोडेर आउट हुँदा जेसे सिंहले १२ बल खेल्दै १ चौका र १ छक्का प्रहार गर्दै १६ रन जोडेर पेविलियन फर्किए ।
यता, कप्तान मोयङ्क पटेल र आरोन जोन्स समान ३–३ रनमा आउट हुँदा सैतेजा मुक्कामल्ला २ रनमा पेविलियन फर्किए ।
अमेरिकाका अन्य दुई खेलाडीले अंकको खाता खोल्न सकेनन् ।
अमेरिकाले अतिरिक्त रुपमा ११ रन जोड्यो ।
नेपालको जितमा दिपेन्द्र सिंह ऐरीले ३ ओभर बलिङ गर्नेक्रममा २७ रन दिएर ३ विकेट लिँदा रिजन ढकाल, करण केसी र गुलशन झाले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको नेपालले निर्धारित २० ओभरको खेलमा ९ विकेट गुमाउँदै १६४ रन जोड्यो ।
नेपालका लागि कप्तान रोहित पौडेलले ३३ बलमा ४ चौका र १ छक्का प्रहार गर्दै ४९ रन जोड्दा दिपेन्द्र सिंह ऐरीले १७ बल खेल्दै २ चौका र १ छक्का प्रहार गरेर २८ रन जोड्दै पेविलियन फर्किए ।
त्यस्तै, ओपनर ब्याट्सम्यान अनिल साहले १८ बलमा २ चौका र १ छक्का प्रहार गर्दै २७ रन जोडेर आउट हुँदा अर्का ओपनर तथा विकेटकिपर आसिफ शेखले २७ बल खेल्नेक्रममा ४ चौका प्रहार गर्दै २७ रन जोडेर पेविलियन फर्किए ।
यता, गुलशन झाले ७ बलमा १ चौका र १ छक्का प्रहार गर्दै ११ रन जोडेर आउट हुँदा कुशल भुर्तेलले १३ बल खेल्नेक्रममा १० रन जोडेर पेविलियन फर्किए ।
सोमपाल कामी २ रनमा आउट हुँदा करण केसी र आरिफ शेख शुन्य रनमा पेविलियन फर्किए ।
सागर ढकाल भने शुन्य रनमा अविजित रहे ।
नेपालले अतिरिक्त रुपमा १० रन जोड्यो ।
अमेरिकाका लागि सौरभ नेत्रभल्कर, जेसी सिंह र हर्मित सिंहले समान २–२ विकेट लिँदा अली खान र नोसथुस केन्जिगले १–१ विकेट लिए ।
लेखक
