एजेन्सी । संयुक्त राज्य अमेरिका र वेस्ट इन्डिजमा संयुक्त रुपमा जारी आईसीसी टि–२० विश्वकपअन्तर्गत समूह चरणको अन्तिम खेलमा श्रीलंकाले जित हासिल गरेको छ ।
सोमवार विहान भएको खेलमा टेस्ट राष्ट्र श्रीलंकाले नेडरल्याण्ड्समाथि ८३ रनको जित हासिल गरेको हो ।
यसअघि नै प्रतियोगिताबाट बाहिरिसकेको श्रीलंकाका लागि यो सान्तोना जित रह्यो ।
समूह ‘डी’ मा रहेको श्रीलंकाले ४ खेलबाट ३ अंक जोड्दै तालिकामा तेस्रोमा रहेर विश्वकप टुंग्यायो ।
पराजित नेडरल्याण्ड्सको समान ४ खेलमा २ अंकसहित तारिकाको चौथौं स्थानमा रह्यो ।
वेस्ट इन्डिजस्थित डारेन साम्मी क्रिकेट रंगशालामा भएको खेलमा २०२ रनको विशाल विजयी लक्ष्य पछ्याएको नेडरल्याण्ड्स १६.४ ओभरमा अलआउट हुँदा मात्र ११८ रनमा समेतियो ।
नेडरल्याण्ड्सका लागि कप्तान स्कट इडवार्ड्सले २४ बलमा २ चौका र १ छक्का प्रहार गर्दै ३१ रन जोडेर आउट हुँदा ओपनर ब्याट्सम्यान माइकल लेभिटले २३ बल खेल्दै २ चौका र ३ छक्का प्रहार गर्दै ३१ रन जोडेर पेविलियन फर्किए ।
त्यस्तै, अर्का ओपनर म्याक्स ओडोडले ८ बलमा १ छक्का प्रहार गर्दै ११ रन जोडेर आउट हुँदा स्यब्रान्ड इङ्गलब्रिच्टले ९ बल खेल्दै १ छक्का प्रहार गरेर ११ रन जोडेर पेविलियन फर्किए ।
यता, आर्यान दत्तले ८ बलमा १ चौका मद्दतमा १० रन जोडेर आउट हुँदा बिक्रमजित सिंह ७, बास दि लिड र पाउल भान मिकेरेन समान ३–३, टिम प्रिङ्ग्ले २ र लोगान भान बिक शुन्य रनमा पेविलियन फर्किए ।
भिभियान किंगमा भने १ रनमा अविजित रहे ।
डच टोलीले अतिरिक्त रुपमा ८ रन जोड्यो ।
श्रीलंकाको जितमा नुवान थुशाराले ३ विकेट लिँदा कप्तान वानिन्दु हसरंगा र माथिशा पाथिराणाले समान २–२, महेश थिकशाना र दासुन शानाकाले १–१ विकेट लिए ।
त्यसअघि टस हारेर पहिला ब्याटिङमा उत्रिएको श्रीलंकाले निर्धारित २० ओभरको खेलमा ६ विकेट गुमाउँदै २०१ रन जोड्यो ।
श्रीलंकाका लागि ओपनर ब्याट्सम्यान तथा विकेटकिपर कुसल मेन्डिसले २९ बलमा ५ चौका प्रहार गर्दै ४६ रन जोडेर आउट हुँदा चरिथ असलंकाले २१ बल खेल्दै १ चौका र ५ छक्का प्रहार गर्दै ४६ रन जोडेर पेविलियन फर्किए ।
त्यस्तै, धनन्जय दि सिल्भाले २६ बलमा ३ चौका र १ छक्का प्रहार गर्दै ३४ रन जोडेर आउट हुँदा अंगेलो म्याथ्युजले १५ बल खेल्दै १ चौका र २ छक्का प्रहार गर्दै ३० रन जोडेर पेविलियन फर्किए ।
यता, कामिन्दु मेन्डिसले २० बलमा १ चौका र १ छक्का प्रहार गर्दै १७ रन जोडेर आउट हुँदा कप्तान वानिन्दु हसरंगाले ६ बल खेल्दै १ चौका र २ छक्का प्रहार गर्दै २० रन जोडेर अविजित रहे ।
अर्का ओपनर पाथुम निस्संका र दासुन शनाका शुन्य रनमा पेविलियन फर्किए ।
श्रीलंकाले अतिरिक्त रुपमा ८ रन जोड्यो ।
नेडरल्याण्ड्सका लागि लोगान भान बिकले २ विकेट लिँदा भिभियान किंग्मा, आर्यान दत्त, पाउल भान मिकेरेन र टिम प्रिङग्लेले समान १–१ विकेट लिए ।
लेखक
