एजेन्सी । आईसीसी टि–२० विश्वकपअन्तर्गत खेलमा पुपुवा न्युगिनी (पिएनजी) माथि सह–आयोजक वेस्ट इन्डिजले जित हासिल गरेको छ ।
आईतवार राति भएको खेलमा एसोसियट राष्ट्र पिएनजीमाथि टेस्ट टोली वेस्ट इन्डिजले ५ विकेटको जित हासिल गरेको हो ।
महत्वपूर्ण जितसंगै समूह ‘सी’ को तालिकामा वेस्ट इन्डिजले २ अंक जोडेको छ ।
गुएनास्थित प्रोभिडेन्स स्टेडियममा भएको खेलमा १३७ रनको सामान्य विजयी लक्ष्यका साथ जवाफी ब्याटिङमा उत्रिएको वेस्ट इन्डिजले १९ ओभरमा ५ विकेट गुमाउँदै पूरा गर्यो ।
वेस्ट इन्डिजको जितमा ओपनर ब्याट्सम्यान ब्रान्डन किंगले २९ बलमा ७ चौका प्रहार गर्दै ३४ रन जोड्दा विकेटकिपर निकोलास पुरनले २७ बल खेल्दै १ चौका र २ छक्का प्रहार गरेर २७ रन जोडेर आउट भए ।
त्यस्तै, रोस्टन चेसले २७ बलमा ४ चौका र २ छक्का प्रहार गर्दै ४२ रन जोडेर अविजित रहँदा एन्ड्रे रस्सेलले ९ बलमा १ छक्का प्रहार गर्दै १५ रन जोडेर अविजित रहे ।
यता, कप्तान रोभमान पोवेलले १४ बलमा २ चौका प्रहार गर्दै १५ रन जोडेर आउट हुँदा शेरफान रुथरफोर्ड २ रनमा पेविलियन फर्किए ।
अर्का ओपनर जोनसन चार्लिस भने अंकको खाता नै नखोली पेविलियन फर्किए ।
वेस्ट इन्डिजले अतिरिक्त रुपमा २ रन जोड्यो ।
पिएनजीका लागि कप्तान अस्साद भालाले ४ ओभर बलिङ गर्नेक्रममा १ मेडनसहित २८ रन दिएर २ विकेट लिँदा जोन कारिको, चाद सोपेर र अलै नाओले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको पिएनजीले निर्धारित २० ओभरको खेलमा ८ विकेट गुमाउँदै १३६ रन जोड्यो ।
पिएनजीका लागि सेसे बाउले ४३ बलमा ६ चौका र १ छक्का प्रहार गर्दै ५० रनको अर्धशतकिय परी खेल्दा विकेटकिपर किप्लिन डोरिगाले १८ बल खेल्नेक्रममा ३ चौका प्रहार गर्दै २७ रन जोडेर अविजित रहे ।
त्यस्तै, कप्तान तथा ओपनर ब्याट्सम्यान अस्साद भालाले २२ बलमा २ चौका र १ छक्का प्रहार गर्दै २१ रन जोडेर आउट हुँदा चार्लिस अमिनीले १४ बल खेल्दै १२ रन जोडेर पेविलियन फर्किए ।
यता, चाद सोपेरले ९ बलमा १ चौका प्रहार गर्दै १० रन जोडेर आउट हुँदा अर्का ओपनर टोनी उरा र हिरी हिरीले समान २–२ लेगा सियाका १ रनमा पेविलियन फर्किए ।
काबुआ मोरेया २ रनमा अविजित रहँदा अलै नाओ शुन्य रनमा पेविलियन फर्किए ।
पिएनजीले अतिरिक्त रुपमा ९ रन जोड्यो ।
वेस्ट इन्डिजका लागि एन्ड्रे रस्सेलले ३ ओभर बलिङ गर्दा १९ रन दिएर २ विकेट लिँदा अल्जारी जोसेफले ४ ओभरमा ३४ रन खर्चिएर २ विकेट लिए ।
त्यस्तै, अकेल हुसेन, रोमारियो शेफर्ड र गुडाकेश मोटीले समान १–१ विकेट लिँदा अर्को १ विकेट रनआउटमार्फत् प्राप्त गर्यो ।
लेखक
