एजेन्सी । बंगलादेशले आईसीसी टि–२० विश्वकपअन्तर्गत खेलमा नेडरल्याण्ड्समाथि जित हासिल गरेको छ ।
विहिवार राति भएको खेलमा टेस्ट राष्ट्र बंगलादेशले एसोसियट राष्ट्र नेडरल्याण्ड्समाथि २५ रनको जित हासिल गरेको हो ।
महत्वपूर्ण जितसंगै बंगलादेशले समूह ‘डी’ मा ३ खेलबाट २ मा जित र १ मा हारको नतिजासहित ४ अंक जोड्दै समूह तालिकामा दोस्रो स्थानमा कायम रहेको छ ।
योसंगै बंगशादेशको सुपर ८ मा पुग्ने सम्भावना पनि बलियो बनेको छ ।
पराजित नेडरल्याण्ड्सको समान ३ खेलमा १ मा जित र २ मा हारको नतिजासहित २ अंक जोड्दै तालिकाको तेस्रो स्थानमा रहेको छ ।
बारबडोसस्थित आर्नोस भाले रंगशालामा भएको खेलमा १६० रनको विजयी लक्ष्यका साथ जवाफी ब्याटिङमा आएको नेडरल्याण्ड्स निर्धारित २० ओभरको खेलमा ८ विकेट गुमाउँदै १३४ रनमा समेतियो ।
डच टोलीका लागि स्याब्रान्ड इङ्गलब्रेच्टले २२ बलमा ३ चौका र १ छक्का प्रहार गर्दै ३३ रन जोडेर आउट हुँदा विक्रमजित सिंहले १६ बल खेल्दै ३ चौका प्रहार गरेर २६ रन जोडेर पेविलियन फर्किए ।
त्यस्तै, कप्तान तथा विकेटकिपर स्कट इडवार्ड्सले २३ बलमा ३ चौका प्रहार गर्दै २५ रन जोडेर आउट हुँदा आर्यान दत्तले १२ बल खेल्नेक्रममा १ चौका र १ छक्का प्रहार गर्दै १५ रन जोडेर अविजित रहे ।
यता, ओपनर ब्याट्सम्यान माइकल लेभिटले १६ बलमा २ चौका र १ छक्का प्रहार गर्दै १८ रन जोडेर आउट हुँदा अर्का ओपनर म्याक्स ओडोडले १६ बल खेल्दै ३ चौका प्रहार गरेर १२ रन जोड्दै पेविलियन फर्किए ।
लोगान भान बिक २, टिम प्रिङ्गले १ र बास दि लिड शुन्य रनमा पेविलियन फर्किए ।
नेडरल्याण्ड्सले अतिरिक्त रुपमा २ रन जोड्यो ।
डच टोलीलाई सस्तैमा समेत्दै महत्वपूर्ण जित हासिल गर्न बंगलादेशका लागि रिशाद हुसेनले ३ विकेट लिँदा तास्किन अहमेदले २, मुस्ताफिजुर रहमान, तान्जिम हसन सकिब र महमुदुल्लाहले समान १–१ विकेट लिए ।
त्यसअघि टस हारेर पहिला ब्याटिङमा उत्रिएको बंगलादेशले निर्धारित २० ओभरको खेलमा ५ विकेट गुमाउँदै १५९ रन जोड्यो ।
बंगलादेशका लागि पुर्व कप्तान शकिब अल हसनले ४६ बलमा ९ चौका प्रहार गर्दै ६४ रनको अर्धशतकिय पारी खेल्दै अविजित रहँदा ओपनर ब्याट्सम्यान तान्जित हसनले २६ बल खेलनेक्रममा ५ चौका र १ छक्का प्रहार गर्दै ३५ रन जोडेर पेविलियन फर्किए ।
त्यस्तै, महमुदुल्लाहले २१ बलमा २ चौका र २ छक्का प्रहार गर्दै २५ रन जोडेर आउट हुँदा जाकेर अलीले ७ बल खेल्नेक्रममा ३ चौका प्रहार गरेर १४ रन जोड्दै अविजित रहे ।
यता, तौहिद हृदय ९ रनमा आउट हुँदा कप्तान नाजमुल हुसेन शान्तो र विकेटकिपर लिटन दास समान १–१ रनमा पेविलियन फर्किए ।
बंगलादेशले अतिरिक्त रुपमा १० रन जोड्यो ।
नेडरल्याण्ड्सका लागि आर्यान दत्त र पाउल भान मिकेरेनले समान २–२ विकेट लिँदा टिम प्रिङ्गलेले १ विकेट लिए ।
लेखक
